Yashyizweho kuri24 May, 2019 | 14:24

Kizito Mihigo yahishuye isano ye na Nsabimana Calixte yanatumye akatirwa imyaka 10 y’igifungo

Kizito Mihigo uherutse gufungurwa nyuma y’imbabazi za Perezida Kagame, yakomoje kuri Nsabimana Callixte ‘Sankara’, wamwinjije mu bikorwa byatumye akatirwa igifungo cy’imyaka 10, nyuma yo kumuhamya ibyaha birimo gucura umugambi w’ubwicanyi.

Uyu Nsabimana ‘Sankara’, kuri uyu wa Kane tariki 23 Gicurasi 2019 nibwo yagejejwe bwa mbere imbere y’urukiko yemera ibyaha byose uko ari 16 aregwa, anabisabira imbabazi aho yazisabye abanyarwanda n’Umukuru w’Igihugu ku bw’ibikorwa by’umutwe yari ayoboye byishe abaturage bikanangiriza ibintu bitanduakanye.

Ashinjwa ibyaha 16 birimo; iremwa ry’umutwe w’ingabo ritemewe, icyaha cy’iterabobwoba ku nyungu za politiki, gukora no kugira uruhare mu bikorwa by’iterabwoba no gutanga amabwiriza mu gikorwa cy’iterabwoba n’ibindi bitandukanye.

Yisobanura,Nsabimana yatunguye benshi ubwo yemeye ibyaha aregwa anabisabira imbabazi.

Ati “Njye nkaba ntiteguye kuburana urwa ndanze ku byaha mfitiye ibimenyetso. Hari ibyaha byabaye ku mugaragaro, n’inyoni zo mu biti ubwazo zabinshinja. Murakoze."

Iburanisha rikirangira bamwe mu bantu batandakanye bongeye kugaruka ku isano ya Nsabimana ’Sankara’ n’umuhanzi Kizito Mihigo, wahamijwe ibyaha birimo icyo kurema umutwe w’abagizi ba nabi, icy’ubugambanyi bwo kugirira nabi Ubutegetsi buriho cyangwa umukuru w’igihugu.

Ikindi Kizito yahamijwe kirimo ubwoshye bw’ubugambanyi bwo kugirira nabi umukuru w’igihugu ndetse n’icyo gucura umugambi w’ubwicanyi ariko icyaha cyo gucura umugambi w’ibikorwa by’Iterabwoba yagihanaguweho.

Mu bakoresha Twitter barimo uwitwa Tuyishimire Jean de Dieu, yyanditse mu nsi y’ifoto ya Nsabimana Callixte wiyita Sankara, ubwo yerekwaga itangazamakuru agira ati “Uyu niwe Sankara wasezeranyije Kizito Mihigo, kumugira Minisitiri w’Umuco na Siporo, igihe yaba yafashe u Rwanda?! Ariko uru Rwanda bafata ye!”.

Icyo gihe Kizito Mihigo yahise amusubiza mu cyo yise ‘itandukaniro riri hagati yanjye na we [Sankara]’.

Ati “Icya mbere, aremera ibyo aregwa bishingiye ku bikorwa by’ubugizi bwa nabi mu gihe njye nemeye ibyo ndegwa bishingiye ku kiganiro nagiranye na we kuri WhatsApp”.

Akomeza agira ati“Icya kabiri, kuva mu bwana bwanjye naharaniye amahoro n’ubwiyunge bw’abanyarwanda. [Sankara] yahisemo intambara. Ndashimira Perezida wa Repubulika wampaye imbabazi”.

Ibiganiro bikomeye Kizito Mihigo na Nsabimana ‘Sankara’ bagiranye

Nsabimana ‘Sankara’, yagarutse cyane muri dosiye ya Kizito Mihigo, aho uyu muhanzi asobanura impamvu yari ashyigikiye umugambi wo guhirika guverinoma y’u Rwanda no kwica Umukuru w’Igihugu.

Kuwa 10 Werurwe 2014, Kizito yabwiye (mu butumwa bugufi) Sankara ati “Ariko rero mon ami (nshuti yanjye), jyewe numva rwose mubonye uburyo mukuraho Rwabujindiri hatabaye intambara, byaba byiza kurushaho.”

Nsabimana nawe amusubiza mu magambo y’Icyongereza agira ati: “At this point, war is inevitable because he cannot agree to negotiations.”

Mu Kinyarwanda bishatse kuvuga ngo: “Kuri uru rwego, intambara niyo yonyine ishoboka kuko adashobora kwemera ibiganiro.”

Mu biganiro na Sankara, Kizito Mihigo yongeye kohereza ubundi butumwa bugira buti “Isn’t there a way to force him? Or why don’t we kill him (Kagame) only?”

Mu kinyarwanda ngo “Ntanzira yindi ishoboka yo kumuhata? Cyangwa kubera iki tutamwica wenyine?”

Sankara yaramushubije ati “Tugomba kwitegura gukoresha imbaraga, tugafata Intara imwe byihuse tukereka ibihugu byo hanze, hanyuma bakaza hagati yacu bagategeka ko habaho ibiganiro.”

Kizito yarashubije ati “Numva aricyo Imana yandemeye.”

Umugambi wa Kizito waje kwemezwa na Sankara binyuze mu biganiro tariki 11 Werurwe 2014.

Sankara yagize ati “Igihugu cyawe kigutezeho kugicungura urubyiruko rw’Abahutu n’Abatutsi rukeneye ko uhagarara hagati kugira ngo ejo hazaza ibara ritazongera kugwa.”

Kizito yaramusubije ati “Numva aricyo Imana yandemeye.”

Ngayo nguko bari basanzwe baziranye.

Aya mahirwe ntagucike:Ikigo Best World Link Group cyahaye amahirwe abana 15 bashaka kwiga muri Turikiya kuri buruse bakazishyurirwa 90%
MUHABURA.RW


Tanga igitecyerezo

Ibitekerezo


Tanga igitekerezo


3 Comments

Ishimwe Warden - 2 months ago

If You forgive any one God will 4give You anyway the real thing Sankara his approved sins.

- 2 months ago

If You forgive any one God will 4give You anyway the real thing Sankara his approved sins.

Yussuf - 2 months ago

Sankara nukuri ntambabazi akwiye pe kko yahemukiye igihugu nabanyarwanda muri rusange

Izindi nkuru