Yashyizweho kuri9 November, 2018 | 08:48

Kicukiro:Umupolisi yafatiwe mu rugo rw’abandi bicyekwa ko yarimo gusanyambanya umugore waho

Mu murenge wa Kigarama akagari ka Kigarama mu mudugudu w’ingenzi, umugabo avuga ko yasanze umupolisi ari kumusambanyiriza umugore yagira ngo yihagarareho nka nyiri urugo agakubitwa ndetse agakomeretswa yanagerageza gutabaza ntatabarwe nk’uko bikwiye ahubwo akajyanwa kuri sitasiyo nabi nk’igisambo

Ibi byabaye kuri uyu wa Kane tariki ya 8 Ugushyingo mu ma saa munani z’amanywa bishyira saa cyenda ubwo umugabo yabonaga umugore we usanzwe ari umupolisikazi atahanye n’undi mu polisi umukuriye,yiruka ajya kureba icyo bagiye gukora nibwo binjiye mu nzu nawe agenda abakurikiye,asanga bari mu cyumba bari gusambana nk’uko yabyitangarije.

Uyu mugabo yagize ati“Nakubiswe n’umupolisi witwa senior superitendenti Ngabo Emmanuel musanganye n’umugore wanjye bari mucyumba baryamanye.Nabanje gutabaza RIB ngobantabare mbere yo kwinjira mu cyumba.RIB irambwira ngo nimbe ntegereje baze kuntabara.Bakimara kumva ndikuvugana nabo muri RIB umugore yahise asohoka nanjye ndwana ninjira mu cyumba nsanga baryamye.

Akomeza agira ati”Umugore mugusohoka yahise anduma naho umupolisi yahise ankubita imbunda mu gahanga umugore arimo kunduma umunwa.Nahise nikubita hasi uwo mupolisi asohoka yiruka ku bw’amahirwe abaturage bahita bamufata.

Aka karengane kabonywe n’abaturage baturanye n’uyu mugabo ariko ngo ubuyobozi bw’izego z’ibanze zabakumiriye zibabuza gutabara aho abayobozi baje bagahita bafunga urupangu,ndetse bakajyana nyir’urugo nk’igisambo cyangwa mayibobo.

Umwe yagize ati”Narindi hano mu gipangu.Numva umugabo avugije induru turazamuka dusanga umugabo bamurumye umunwa yiyambuye ahangaha huzuye amaraso.

Arangije arahamagara ati abantu batabare baratabara.bamaze kubikora gutyo abantu baje,wamugabo asohotse undi ariruka arasimbuka mu gipangu.Haje polisi na Daso binjiramo wamugabo(polisi) bahita bamufata ako kanya ahita akuramo ikarita y’akazi basanga ni umuntu urenze”.

Undi nawe ati”Icyo umugore yarimo gukangisha ngo ni umu afande ndetse n’uwo bari barimo gusambana ngo ni umu afande.Agomba kurenganurwa uriya mugabo ari kuzira ubusa.Ntabwo wasanga umugore wawe bari kumusambanya ngo ubure kudatabaza ariko we yabikomerekeyemo.

Bamuvanye mu kagari bamwinjiza mu modoka mo imbere ariko we agiye kwicara mu muryango wa kabiri w’imodoka bahita bamujyana nk’imbobo ndetse n’igisambo.Kuburyo yashatse no kwicara hejuru ku modoka bahita bamumanura yicara hasi nka za mbobo zimwe bafata bahita bamugira nk’umuntu uri mucyaha kandi atari mu cyaha".

Ubuyobozi bw’akagari bwavuze ko bwagerageje guhosha amakimbirane naho ibindi byose bisigaye babihariye polisi ndetse n’urwego rw’igihugu rushinzwe ubugenzacyaha nk’uko umunyamabanga nshingwa bikorwa w’akagali ka kigarama Kabakesha M. Louise yabitangarije TV na Radio 1.

Umugabo yaje gusura umugore utuye hano ariko ahimukiye vuba kuko ahamaze amezi abiri noneho undi araza bisanzwe.Tugiye kumva twumva haje undi mugabo uvuga ko ari umugabo we araza agera hano ku kagali avuga ngo nibaze bamutabare.Mu gihe twari turi aha umugabo asubirayo yiruka avuga ngo reka njye kubafata agezeyo bahita barwana.

Umuyobozi yakomeje avuga ko uwo mu polisi yabonye bikomeye ahita ahunga wa mugabo aramubura ariko abayobozi bahise bamubona bamujyana ku kagari nyuma bahise bajya kumva uko ikibazo kimeze.ari naho bahise bahahurira n’inze z’umutekano biba ngombwa ko bose babajyana kuri sitasiyo ya polisi ya Gikondo.

Gusa Muhabura.rw yagerageje kuvugana n’umuvugizi w’urwego rw’igihugu rw’iperereza (RIB) Mbabazi Modeste,avuga ko ayo makuru ntakintu ayaziho.

Yanditswe na Habarurema Djamali


Tanga igitecyerezo

Amazina
Ubutumwa

1 Comment

iyakaremye else - 2 days ago

uwo muporisi nimba yarabikoze koko yaba ari gutanga urugero rubi.

Izindi nkuru