Yashyizweho kuri9 October, 2019 | 15:35

Huye:Abagabo babiri babeshye umukobwa ko ari abanyamasengesho baramusambanya

Kuri station ya RIB mu murenge wa Rusatira ho mu karere ka Huye hafungiwe abagabo babiri bakurikiranyweho gutekera umukobwa umutwe bakamwambura amafaranda ndetse bakanamusambanya.

Kuri uyu wa kabiri tariki ya 08 Ukwakira 2019 nibwo uyu mukobwa yagiye mu isoko mu nzira aguhura n’abatekamutwe bamumanukana mu ishyamba,bamubwira ko ari abanyamasengesho kandi bahishuriwe ko hari abamurwanya.

Avuga ko aba bagabo atazi bakomeje kumuganiriza bamubwira ko kugira ngo ibibi bimutegereje bitazamubaho,ari uko azana telephone n’ibihumbi 14 yari afite,ndetse mu rwego rwo kugira ngo azabyare neza namara gushaka,bamubwira ko agomba gushaka umusore baryamana byihuse.

Uyu mukobwa ngo yarabyemeye maze azamukana mu gashyamba n’umwe muri abo bagabo baragenda bakora imibonano mpuzabitsina ariko bagarutse basanga umwe wari wasigaranye amafaranga na telephone yagiye maze na we ngo atangira kugarura ubwenge ni ko gutabaza maze abo bagabo bombi barafatwa.

Umuvugizi w’urwego rw’ubugenzacyaha RIB,Mbabazi Modeste,yabwiye Itangazamakuru ko ikirego cy’uyu mukobwa bacyakiriye kandi ko iperereza rikomeje. Yaboneyeho no gusaba abaturage kwirinda abatekamutwe,no kwirinda ibyo babashukisha byose kuko uyu ngo yabeshywaga gukizwa inyatsi.

Nubwo ibi biye,ngo uyu mukobwa kuri uyu wa Gatatu tariki 9 Ukwakira 2019 yari afite gahunda yo gusanga umugabo bakabana mu buryo butemewe n’amategeko kuko ayo mafaranga yambuwe ngo yari ateganyijwe kugura bimwe mu bikoresho bazifashisha mu rugo rwabo rushya.

Kugeza ubu uyu mukobwa aravuga ko afite impungenge ko yaba yaratewe inda n’abo biswe abatekamutwe cyangwa se indwara ya SIDA,cyakora ngo yahise yihutira kujya kwa muganga ahabwa imiti,akaba yifuza ubutabera.

Ikindi ngo aragira inama abantu kwirinda no kubanza gutekereza ku byo babwirwa n’abo bahuye bose mu nzira,mu rwego rwo kwirinda abatekamutwe nk’abo yahuye nabo bakamucucura ndetse bakamukorera ibya mfura mbi.

Niyomugabo Albert/MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru