Yashyizweho kuri7 July, 2019 | 16:40

Gakenke:Gitifu wari wanze gusobanurira itangazamakuru ku kibazo kimuvugwaho cyo gufata ku ngufu yatawe muri yombi

Nyuma y’uko umukobwa wo mu murenge wa Mugunga mu karere ka Gakenke, ashinja umwe mu Banyamabanga Nshingwabikorwa b’Akagari kumufata ku ngufu ubwo yari agiye kumusaba icyangombwa,uyu muyobozi yatawe muri yombi.

Uwo Munyamabanga Nshingwabikorwa yatawe muri yombi n’urwego rw’ubugenzacyaha ’RIB’ nyuma y’uko tariki 06 Nyakanga 2019, hasohotse inkuru ivuga ku kibazo cy’umukobwa umushinja kumufata ku ngufu.

Ni nyuma kandi y’uko uwo muyobozi itangazamakuru ryamusuye mu rwego rwo gushaka kumenya ko ibimuvugwaho ari ukuri,ariko mu burakari bwinshi yari akubise umunyamakuru.

Yagizea ati “Ndahamya ko ayo makuru amvugwaho, mu nzego zishinzwe kuyambaza mwe ntabwo murimo, ndabasubije ngo mu nzego zishinzwe kuyambaza ntabwo murimo, nta makuru mbaha”.

Nyuma yaho gato ku gicamunsi cyo kuri iyo tariki ni na ho uwo muyobozi yahise afatwa n’Urwego rw’Igihugu rushinzwe Ubugenzacyaha(RIB) nk’uko umuvugizi w’urwo rwego, Mbabazi Modeste.

Mbabazi yagize ati “Yamaze gufatwa arakurikiranwa n’ubugenzacyaha bwa Gakenke. Ibyo aregwa si ngombwa kubivuga mu itangazamakuru, gusa arakurikiranwa n’ubugenzacyaha bwa Gakenke”.

Uwo muyobozi arashijwa n’umukobwa w’umunyeshuri kumufata ku ngufu, ubwo yari yagiye gushaka icyemezo kijyanye n’icyiciro cy’ubudehe.

Ngo umuyobozi yamusabye ko amusanga iwe agafata icyo cyemezo, agezeyo amusaba kwinjira mu nzu ngo afate icyo cyemezo, umukobwa abanza kwanga kwinjira mu nzu y’uwo musore, umukobwa asaba uwo muyobozi kumuzanira icyo cyemezo hanze undi na we aranga.

Ariko bigezeho umukobwa yemera kwinjira, birangira amufungiranye mu nzu aramusambanya nk’uko uwo mukobwa yabitangarije Kigali Today ducyesha iyi nkuru.

Uwo mukobwa avuga ko byamuviriyemo gutwara inda, ahagarika ishuri, uwo muyobozi amwizeza ko azamufasha mu bishoboka byose no kurera uwo mwana, ariko nyuma ngo ntiyagira ikintu na kimwe amufasha.

JPEG - 98.6 kb
Uyu mukobwa uvuga ko yafashwe ku ngufu n’umuyobozi ababajwe n’uburyo yateshejwe amashuri ye akabyara n’uwo adashoboye kurera

Niyomugabo Albert/MUHABURA.RW


Tanga igitecyerezo

Ibitekerezo


Tanga igitekerezo


1 Comment

- 3 months ago

Ariko abayobozi nk’aba koko!Niba iyi nkuru ari impamo,bamukanire urumukwiye.

Leta niyongere imbaraga mumitangire y’akazi bajye bareba abo bagahaye,kuko hari nabandi benshi bafite utugeso tudakwiriye umuyobozi wo mu Rwanda.

Izindi nkuru