Yashyizweho kuri23 September, 2019 | 17:46

Gisagara:Abarimu babiri baguwe gitumo bari kumwe n’abakobwa babiri mu macumbi yabo

Abarimu babiri bo mu Karere ka Gisagara batawe muri yombi bakekwaho icyaha cyo gusambanya abakobwa babiri bataye ishuri, bakaba babafatanywe mu macumbi harimo utaruzuza imyaka y’ubukure.

Abo barimu ni Bimenyimana Emmanuel w’imyaka 32 y’amavuko wigisha ku Kigo cy’imyuga cya Gikonko ari kumwe mu cyumba n’umukobwa w’imyaka 17 y’amavuko ndetse na Muhawenimana Joseph w’ imyaka 28 yigisha ku ishuri ribanza rya Gikonko yasaganywe mu cyumba n’umukobwa uvuga ko afite imyaka 19 y’amavuko.

Ibi byabaye ku mugoroba wo kuri iki cyumweru tariki ya 22 Nzeri 2019 mu Murenge wa Gikonko biturutse ku makuru yatanzwe n’ababyeyi b’aba bana.

Abo bakobwa uko ari babiri bose bataye ishuri kubera ko nta n’umwe warangije kwiga amashuri yisumbuye bakaba bavuka mu Mudugudu wa Karukamba mu kagari ka Gasagara mu murenge wa Gikonko ho mu karere ka Gisagara.

Aya makuru yemejwe n’Umuvugizi wa Polisi mu Ntara y’Amajyepfo, CIP Twajamahoro Sylvestre, aho yabwiye umunyamakuru ko babaguye gitumo nyuma yo guhabwa amakuru n’ababyeyi babo.

Ati “Ababyeyi b’abo bana n’abaturanyi ni bo batanze amakuru kuri Polisi ijyayo isanga bari mu macumbi yabo.

CIP Twajamahoro avuga ko bahawe amakuru ko abo bana bari basanzwe bajya gusura abo barimu bakabasambanya kandi uriya w’imyaka 17 yari ahamaze iminsi ibiri.

Abo bakobwa bahise bajyanywa ku Bitaro bya Gakoma gusuzumwa naho abarimu bafungiye kuri Sitasiyo ya RIB ya Gikonko.

Ababyeyi basabwe gukomeza kwita ku bana babo no kubaha uburere mu gihe abangavu bo abasabwe kwirinda ibishuko by’ababashora mu busambanyi.

Niyomugabo Albert/MUHABURA.RW


Tanga igitecyerezo

Ibitekerezo


Tanga igitekerezo


1 Comment

Kubwayo Jean bosco - 3 weeks ago

Nukur birababaje kuriyinkuru, Ariko abobana bakomeze bitabweho. Kandi abo barimu bakurikiramywe bahabwe ibihano.

Izindi nkuru