Yashyizweho kuri25 August, 2019 | 17:39

Gasabo:Abagabo babiri bafatanwe ibyuma bikora ibyangombwa by’ibihimbano

Kuri uyu wa Gatandatu tariki 24 Kanama 2019,Polisi y’u Rwanda yerekanye abagabo babiri aribo Kamali Sylver w’imyaka 27 ukora ibijyanye na fotokopi y’inyandiko zitandukanye na Mutungirehe Emmanuel, bakekwaho gukora inyandiko mpimbano zitandukanye.

Aba bagabo bombi beretswe itangazamakuru bafungiye kuri Sitasiyo ya Kimironko.Mu nyandiko mpimbano bacyekwaho gukora zigizwe n’ibyangombwa nk’amadipolome ndetse n’impushya zo gutwara ibinyabiziga.

Kamali yavuze uko yabigenzaga, aho yafataga amafoto y’inyandiko z’abantu akayabika muri mudasobwa (scanning),hanyuma umuntu yakaza ashaka icyangombwa runaka, agasiba amazina yabo n’indi myirondoro ubundi akandikaho amazina y’uwamusabye icyangombwa atashoboraga guhabwa n’inzego zibishinzwe.

Avuga ko yabikoraga ku bwo gushaka amafaranga yo kwishyura inzu ariko umugore we bamaranye amezi abiri bashakanye, yari yarabimubujije undi akinangira.

Ati "Ndasaba imbabazi rwose".

Akimara kuvuga aya magambo yahise asuka amarira ahamagara umupolisi ngo ajye kumusabira imbabazi umugore we.

Mugenzi we Mutungirehe w’umumotari w’imyaka 34, yemera ko yitabaje Kamali akamukorera inyandiko mpimbano inshuro zirenze imwe, akazishyira umuntu uhora azimusaba ukorera mu mujyi rwagati wa Kigali.

Ati"Nari nshyiriye uwo muntu impushya zo gutwara abantu (z’impimbano), agiye kumpa amafaranga abantu baraza baramfata banansaba kubereka umuntu uzinkorera, baranzanye ndamubereka, ni uko badufashe".

Aba bagabo bavuga ko uwakoraga ibyangombwa bihimbano yahabwaga amafaranga ibihumbi bitanu kuri buri cyangombwa, uwajyaga kubicuruza agahabwa ibihumbi icumi mu bo yabigurishijeho.

Umuvugizi wa Polisi mu Mujyi wa Kigali, CIP, Umutesi Goretti, ko mu nyandiko mpimbano Kamali akekwaho gucura, harimo impamyabumenyi (diplôme) impushya zo gutwara ibinyabiziga (permis), n’impushya z’ubwikorezi.

Ati "Ni abaturage baduhaye amakuru ko hari inyandiko mpimbano zirimo gukwirakwizwa n’abantu, nyuma y’aba bafashwe sinakwemeza cyangwa ngo mpakane ko haba hari abandi ".

Polisi mu Mujyi wa Kigali ifatanyije n’Urwego rw’Ubugenzacyaha (RIB), banagaragaje zimwe muri fotokopi z’inyandiko n’ibyangombwa by’abantu basanganye Kamali, bakeka ko na byo ari ibyiganano.

CIP Umutesi akomeza avuga ko ba nyiri ibyo byangombwa baza gushakishwa kugira ngo hakorwe iperereza ku bijyanye n’ireme ryabyo.

Ingigo ya 276 yo mu gitabo cy’amategeko ahana, iteganya igifungo kiri hagati y’imyaka itanu n’irindwi, hamwe n’ihazabu y’amafaranga agera kuri miliyoni eshatu ku bantu bakora inyandiko mpimbano.

Chief Editor/MUHABURA.RW


Tanga igitecyerezo

Ibitekerezo


Tanga igitekerezo


5 Comments

Gilbert - 3 weeks ago

Igitekerezo
njye numva ko kubera Ko babyemeye bagasaba imbabazi. bagabanirinzwa ibihano

Shayaka - 3 weeks ago

Ariko bari barihangiye imirimo!!!
Ntampomvu yo guhanwa!
Nonese umusi bazafatwa bibye niho bazashimirwa???

Shayaka - 3 weeks ago

Ariko bari barihangiye imirimo!!!
Ntampomvu yo guhanwa!
Nonese umusi bazafatwa bibye niho bazashimirwa???

Kalisa Juvenal - 3 weeks ago

Yes bamuhame ndetse atange na list yabo yakoreye Permis nibo birirwa batugonga kuko batize gutwara ndetse aba diplôme bo RIB n’a Police nimara kubona list yihutire kubashaka nibo bahawe imirimo na bene wabo bali mu nzego zimiyoborere mu bigo uyu munsi nibo batanga service mbi mu bigo balimo kubera ubumenyi buke (urugero aho nkorera nasabye umukozi nshiraho criteria ariko natangaye mbona banteruriye umuntu ngerageje kuvuga ngo nawe yari umuntu ukeneye imibereho kandi ngo jya witondera ibyakozwe ninzego ubwo nanjye ngo nari Manager ukeneye umuntu ufite ubumenyi muli service nyobora). Abo bantu bashakishwe ndetse banirukanwe bana fungwe.KJV

Bizumuremyi David - 3 weeks ago

Uwomugabo Nahanwe Kubwo Ivyoyakora Sivyiza Kuko Naboyaha Ivyangobya Nabene Bazofatwa Nabajejwe Ubutugane.

Izindi nkuru