Yashyizweho kuri31 March, 2019 | 19:18

Umugabo yatawe muri yombi nyuma yo gufatanwa imifuka 12 yuzuye urumogi

Police yataye muri yombi Amur Ukiriwabo w’imyaka 46 y’amavuko wari ucumbitse mu nzu ya Perpetue Mukandori umunyarwandakazi wibera mu Bubiligi afite iwe urumogi ruri mu mifuka 12 . Ngo yayicururizaga uwitwa Nzakira Radjab.

Igikorwa cyo guta muri yombi Ukiriwabo cyabaya Kuri uyu wa Gatandatu nyuma y’Amakuru polisi yayahawe n’abaturanyi.Ariko we akavuga ko urumogi rwari urw’uwitwa Radjab Nzakira w’imyaka 44 usanzwe afungiye kuri station ya Police ya Rwazamenyo mu karere ka Nyarugenge.

Ni mu gihe n’uyu Nzakira nawe yari yafatanywe udupfunyika tw’urumogi tugera kuri 900.

Umuvugizi wa Police mu mujyi wa Kigali Chief Inspector of Police Marie Goretti Umutesi ashima uruhare abaturage bagira mu gutanga amakuru y’aho abanyabyaha bari kandi ngo bukaba ari n’ubufasha bukomeye mu kazi ka Police.

CIP Umutesi yasabye kandi abacuruza n’abakoresha ibiyobyabwenge kubireka kuko amategeko azabahana byatinda cyangwa byatebuka.

Ati “Rwose turashima abaturage baduha amakuru. Bagira uruhare mu gushyira ahagaragara abakora ibikorwa bihungabanya ubuzima bw’abanyarwanda. Abishora mu gucuruza ibiyobyabwenge babireke nta nyungu irambye bazakuramo.”

Muri iki cyumweru kandi hari umugabo wo mu murenge wa Gisozi mu karere ka Gasabo Police yafashe nyuma y’uko ashinjijwe n’umwana w’umusore wo mu kigero cy’imyaka16 aho yavuga ko amukoresha mugukwiragiza no guruza urumogi.

Hanyuma polisi imaze kubona ayo makuru yahise ijya kumusaka imusangana umurundo w’udupfunyika ibihumbi 12 ni 100

Ifatwa kandi ry’uyu mugabo wo ku Gisoza ryaje rikurikiraho gato itabwa muri yobi ry’undi witwa Djuma bakundaga kwita Maitre,wo mu murenge wa Gitega akarere ka Nyarugenge,wafatanwe urumogi mu rugo iwe aho yakoraga akazi ko kururanguza.

Nawe ifatwa rye ryagizwemo uruhare n’umuturage yajijishije akajya kugurayo agapfunyika kamwe ari ku isiri n’abashinzwe umutekano,ako kanya akimara kurushyikira mu ntoki polisi yahise ihasesekara ihita ata muri yombi Maitre.

JPEG - 134.5 kb
Amur Ukiriwabo avuga ko urumogi rwari urwa Radjab Nzakira usanzwe afungiye kuri station ya Police ya Rwazamenyo

Yanditswe na Habarurema Djamali


Tanga igitecyerezo

Amazina
Ubutumwa

Izindi nkuru