Yashyizweho kuri2 December, 2019 | 12:07

Abapolisi b’u Rwanda 240 bagiye mu butumwa bw’amahoro Muri Sudan y’Epfo

Itsinda ry’abapolisi b’u Rwanda 240 berekeje muri Sudan y’Epfo, bakaba basimbuye bagenzi babo mu butumwa bw’amahoro muri icyo gihugu.

Iri tsinda ryagiye mu gitondo cyo kuri uyu wa Mbere tariki 2 Ukuboza ririmo 30% by’abagore bahwanye na 72. Risimbuye abandi 240 bari bamaze umwaka muri Sudan y’Epfo, bafite ubutumwa bwo kurinda abakozi b’umuryango w’abibumbye, inkambi z’impunzi ndetse n’abakozi ba leta.

CP Bruce Munyambo yavuze ko iri tsinda ryatojwe neza kandi ryiteguye gushyira mu bikorwa ubutumwa rifite muri Sudan y’Epfo imaze amezi atandatu yarugarijwe n’imvururu za politiki.

CP Munyambo yavuze ko iri tsinda ari irya gatanu risimbujwe kandi Umuryango w’Abibumbye ushima cyane umusanzu w’u Rwanda mu kugarura amahoro.

Aba bapolisi bazaba bafite icyicaro i Malakal mu ntara ya Upper Nile. Itsinda ry’abapolisi ryasoje ubutumwa bwaryo biteganyijwe ko rigera ku Kibuga Mpuzamahanga cy’Indege ku isaha ya saa sita z’amanya.

U Rwanda rufite abapolisi barenga 1000 mu butumwa bw’amahoro muri Sudani y’Epfo, Sudani, Centrafrique, Haiti na Abeyi.

MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru