Yashyizweho kuri4 December, 2019 | 12:56

Urukiko rw’ikirenga rwabonye Perezida mushya wasimbuye Prof. Sam Rugege

Perezida wa Repubulika y’u Rwanda yashyizeho Dr. Nteziryayo Faustin ku mwanya wa Perezida w’urukiko rw’ikirenga uyu akaba yasimbuye kuri uyu mwanya Prof Sam Rugege wari umaze igihe kuri uyu mwanya.

Ibi umukuru w’igihugu yabikoze kuri uyu wa Gatatu tariki 4 Ukuboza 2019 ashingiye ku Itegeko Nshinga rya Repubulika y’u Rwanda ryo mu 2003ryavuguruwe mu 2015, cyane cyane mu ngingo zaryo: iya 153, iya 86 n’ iya 156.

Usibye Dr. Nteziryayo Faustin,wagizwe Perezida w’Urukiko rw’Ikirenga,umukuru w’igihugu kandi yashyizeho Madamu Mukamulisa Marie–Thérèse ku mwanya wa Visi Perezida w’Urukiko rw’Ikirenga.

Dr Nteziryayo ni muntu ki?

Uyu mugabo ni inararibonye mu byerekeranye n’ubutabera kuko yabaye minisitiri w’ubutabera kuva mu 1996 kugeza 1999.

Yanabaye kandi umucamanza wo ku rwego rwo hejuru mu rukiko rw’umuryango w’ibihugu bya Afurika y’uburasirazuba aho yemerejwe mu nama idasanzwe ya 11 y’abakuru b’ibihugu bagize uyu muryango yabereye Arusha muri Tanzania ku wa 27 Mata 2013.

Mu 2015 yabaye Perezida w’urwego rw’Igihugu Ngishwanama rw’Inararibonye (Rwanda Elders Advisory Council).

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


Izindi nkuru