Yashyizweho kuri21 September, 2019 | 10:05

Abakozi umunani b’ibigo nka WASAC,RSSB na WDA batawe muri yombi

Urwego rw’igihugu rw’ubugenzacyaha bwataye muri yombi abakozi umunani barimo abakorera ikigo cya WASAC, WDA na RSSB aba bakaba bakurikiranweho gukoresha nabi/kunyereza umutungo wa Leta nk’uko RIB ibivuga.

Abafashwe na RIB muri WDA barimo uwari umuyobozi wayo mukuru Jerome Gasana, uwari ushinzwe imishinga, umuyobozi w’ubutegetsi n’imairi n’umukozi Antoine Ndayisabye n’ushinzwe abakozi muri WDA.

Hafunzwe kandi umuyobozi ushinzwe ishoramari Eric Gasana n’ushinzwe abakozi muri RSSB witwa Emmanuel Mugabo.

Muri WASAC hafunzwe umuyobozi wari ushinzwe ubutegetsi n’imari hamwe n’ushinzwe ibikoresho n’ubutegetsi muri WASAC.

Ibi bije Nyuma y’iminsi mike abayobozi b’ibi bigo hamwe n’ibindi bya Leta bari bitabye Komisiyo y’Abadepite ishinzwe gucunga imikoreshereze y’umutungo wa Leta( PAC) ibabaza aho amwe mu mafaranga ya Leta yagiye nk’uko byagaragajwe muri Raporo y’Umugenzuzi mukuru w’Imari ya Leta Obadiah Biraro.

Gusa bamwe mu baturage Bari bamaze iminsi bishimira imikorere ya PAC ariko bakayinenga kudafata ibyemezo ifatanyije na RIB ku bayobozi bagaragaweho no kunyerezaimitungo ya Leta Kandi iva mu misoro y’abaturage.

RIB itangaza ko igikomeje iperereza no mubindi bigo bya Leta byavuzweho kunyereza/ gukoresha nabi umutungo wa leta muri raporo y’Umugenzuzi mukuru w’Imali, kugira ngo ababigizemo uruhare bakurikiranwe kandi n’umutungo wa Leta wanyerejwe ugaruzwe hashingiwe ku mategeko.

Iti"Iperereza rirakomeje no mubindi bigo bya Leta byavuzweho kunyereza/ gukoresha nabi umutungo wa leta muri raporo y’Umugenzuzi mukuru w’Imali, kugira ngo ababigizemo uruhare bakurikiranwe kandi n’umutungo wa leta wanyerejwe ugaruzwe hashingiwe ku mategeko".

JPEG - 34 kb
Uwari umuyobozi mukuru muri WDA,Jerome Gasana

MUHABURA.RW


Tanga igitecyerezo

Ibitekerezo


Tanga igitekerezo


3 Comments

Mitsindo Tito - 3 weeks ago

Ntukishime abandi hejuru bagize ibyago, baracyakekws icyaha ntikirabahama, ntukanduze ururimi rwawe, utazabona igihano kirenze icyo abo ukina Ku mubyimba bategereje !

Kim - 3 weeks ago

Imana ishimwe kuba ihorera abadafite kirengera Mugabo Emmanuel ibyo yakoze mumitangire y’akazi byagombaga kumugaruka kuko yasebyaga RSSB nkikigo gikomeye kko byagaragazaga ko ntaho rssb igana mugihe yaba ifite ikimenyane nkakiriya

Kim - 3 weeks ago

Imana ishimwe kuba ihorera abadafite kirengera Mugabo Emmanuel ibyo yakoze mumitangire y’akazi byagombaga kumugaruka kuko yasebyaga RSSB nkikigo gikomeye kko byagaragazaga ko ntaho rssb igana mugihe yaba ifite ikimenyane nkakiriya

Izindi nkuru