Yashyizweho kuri13 February, 2020 | 16:15

Rusizi:Umwarimu wigisha mu kigo cy’amashuri abanza yafashwe yibye inkoko

Ibi byabaye kuri iki cyumweru tariki ya 9 Gashyantare 2020 aho umurezi witwa Rwangabwoba Sostene wigisha mu kigo cy’amashuri abanza cya Bweyeye A giherereye mu murenge wa Bweyeye yari agiye gusura mukuru we ukora kuri poste ya Gasumo uhakora umwuga w’ubuforomo kuri iyo poste de Sante.

Amakuru agera kuri Muhabura.rw avuga ko uwo Mwarimu mu igihe yatahaga ava gusura mukuru we yahuye n’inkoko ifite utwana duto maze arayidutesha.

Umwe mubazi aya makuru witwa Nyinawingeri Clemence yavuze ko rwose ayo makuru ari impamo yagize ati: "Ahagana i saa cyenda so ku cyumweru niho iyo nkuru yatugezeho ivuga ko bamufatanye inkoko amaze kuyiba abana bari aho babonye akura mu ikofi urwembe maze afata iyo nkoko maze ayikatisha urwembe maze iryo tungo riba rirapfuye."

Abandi baturage bari aho harimo witwa Imaniranzi Paul utuye mu kagari ka Rwambogo yavuze ko batazi icyo uwo mwarimu yari yabaye uwo munsi.

Yagize ati:"Ntawamenya icyo yari yabaye rwose kuko bamuzamuranye inkoko mu ntoki amaraso yayo amwuzuyeho ugashaka icyamubayeho kikayoberana.Hari ugutekereza umuntu w’umurezi wiba inkoko yanarangiza akayicira mu nzira biteye ubwoba."

Ibi kandi byemejwe n’umunyamabanga nshingwabikorwa w’Akagari ka Rwambogo Bwana Harerimana Japhet avuga ko ayo makuru ariyo.

Umunyamabanga nshingwabikorwa w’Akagari ka Rwambogoyagize uruhare rwo kunga uwo murezi na nyir’inkoko ahawe ibihumbi makumyabiri by’amanyarwanda (20000).

Twashatse kumenya ibyo urwego rw’uburezi rubivugaho maze ku murongo wa terefoni igendanwa tubaza umuyobozi ushinzwe uburezi mu karere ka Rusizi Bwana Theogene avuga ko ayo makuru atarayamenya ariko ko bagiye kuyakurikirana.

Yagize ati:"Tugiye kubikurikirana tumenye ukuri kwayo ariko wagerageza ukabaza umunyamabanga Nshingwabikorwa w’umurenge wa Butare akakubwira amakuru."

Ni mu gihe mu gihugu ahenshi hagenda hagaragara abarimu bayoboka ingeso mbi harimo abatawe muri yombi n’urwego rw’igihugu cy’Ubugenzacyaha RIB bazira kurongora abana bigisha , bamwe bakarangwa n’ubusinzi no mu gihe cy’akazi ndetse no kujya gusambanya indaya bikarangira batazishyuye maze zikabandarika kandi mwarimu ari nk’icyapa gisomwa n’utambutse wese ku nzira .

Denis Fabrice Nsengumuremyi


Tanga igitecyerezo

Ibitekerezo


Tanga igitekerezo


42 Comments

claudine - 1 month ago

Ariko kwibasira abarimu ubanza bishisha uyu munyamakuru wagirango Hari icyo apfa na mwalimu cg ntiyigeze amunyura mu maboko gusa ndashimira uriya munyamakuru wabonye amafuti ye akamukebura

IVM - 1 month ago

Birambabaza cyane iyo abantu bashimishwa no guharabika abandi cg bakabashyira ku kabonabose (n’aho byaba ari ukuri). Abahanga baciye umigani ngo "Zimwi likujualo, halikuli likakwisha!" Mu Kinyarwanda ngo "Impyisi y’iwanyu ikurya ikurundarunda."
Niko se muvandimwe Fabrice, abantu b’iwanyu ku ivuko, mupfa iki? Ubushize nabonye indi nkuru wakoze kuri Nyangurame Bonaventure ndumirwa!
Iri tangazamakuru ryawe uraryitondere mwana w’iwacu, dore nanjye ndarikora kdi ndirambyemo, ikirenze kuri ibyo nararyize bihagije, nyamuneka ujye ureba kure, wibuke ko ubumenyi dufite tubukesha aba barimu wibasira!

Gira amahoro!

Schadrack - 1 month ago

Ibyo ni igutesha agaciro umuntu. Ibintu bitagira ibimenyetso. Byaba ari no kumuhimbira ibinyoms cyane ko uwo mwalimu yanakoze Muri ako kagari ari directeur kuri Ep Gasumo. Ntawamenya. Mujye mutanga inkuru ifite gihamya.

Felix Tuyishimire - 1 month ago

Umuntu, atanga icyo afite. kndi ubamba isi ntakurura! Nimureke uwomunyamakuru,yishimishe ejo azavugwaho ibirenze ibyo atangaza atahagazeho. Gusa abanyamakuru nkaba bakwiriye ingando bagahabwa incamake zuko akazi kitangaza amakuru gakorwa nuburyo kubahirizwa. Naho nabwira Sostene ati don’t give up my bro . Ibyiza birimbere humura,ibyo ntibizabura .

- 1 month ago

Ikimbabaje nuko yambereye mwarimu bakaba bamusebeje gucya

6666778 - 1 month ago

Wabona ari ukumuharabika rwose ibi ntibyashoboka aho yahita abona ibihumbi20000 kunkoko ya2000 rwose iri ni iharabika

francois Munyabagisha - 1 month ago

Aho guseka cg gusebya Mwalimu, banza wibaze icyaba cyabitera. Niba Mwalimu akorera agatsi, aho kurebuza inkoko biarua kureba agatsi. Ikindi mumenye ko Mwalimu ali kimwe na nyina w’umuntu m’ubumenyi. Kirazira kumwibasira no kumwubahuka.

Nshimiyima Hassan - 1 month ago

Amahano aragwira kwitwa umurezi biva kunshinga uburere utabufite watanga ubuhe? Umwanya yakiba mugenziwe ikaramu akabikemura ahubwo yamubwira Ari nikaye Sha!
Ndakeka nuwamubabarira atatinyuka kujya imbere yabanyeshuri ngo arabigisha kko mwarimu akwiye kuba indakemwa mumico no mumyifatire

Namahoro P. - 1 month ago

Wa Munyamakuru we nkugayiye ko ushyize abarimu muri Rusange.mbere ko aba mwarimu ni umuntu. Niba warahisemo kujya wandika inkuru zo gusebanya zidafite facts urashaka kwemeza abantu ko waba "Umuhirimbire". Nibyo uri kwandika wabigezeho kubera mwarimu.

- 1 month ago

Igitekerezo
uyumunyamakuru ndabona hari icyo abuze mumutwe uwaba amwegereye yagerageza kumujyana indera kuko niho bagorora mbenabangaba binkorabusa

Jean Pierre - 1 month ago

Ndabona iyi nkuru nta bimenyetso ifite! Bibaho ko mwarimu yirutse ku nkoko ifite imishwi akageza ubwo ayifata abantu bareba, agakura urwembe mu mufuka akayikeba! Uyu munyamakuru utari uri aho ibyo avuga byabereye akaza akandika inkuru nk’iyi!? Niyo byaba aribyo, uyu munyamakuru barebe neza niba yarize koko! Nta professionalism afite.

Jean Pierre - 1 month ago

Ndabona iyi nkuru nta bimenyetso ifite! Bibaho ko mwarimu yirutse ku nkoko ifite imishwi akageza ubwo ayifata abantu bareba, agakura urwembe mu mufuka akayikeba! Uyu munyamakuru utari uri aho ibyo avuga byabereye akaza akandika inkuru nk’iyi!? Niyo byaba aribyo, uyu munyamakuru barebe neza niba yarize koko! Nta professionalism afite.

sen - 1 month ago

Mumuereke yivugire umunnyi azira undi uwakurikirana cv ye yamenya neza uwandika n’uwo ariwe .

Ntibavuga bavuga - 1 month ago

Ntibavuga Utwana tw’inkoko,bavuga imishwi y’inkoko (iyo ari myinshi) cyangwa umushwi(iyo ari umwe)

Toto - 1 month ago

Ubu se uyu ni umunyamakuru koko cg hari ikibazo afitanye nabarimu. Urumva ukuntu arangije inkuru. Niba yarize yabaga uwanyuma.

gakwende - 1 month ago

mwarimu ajyakuba mwarimu abanza kuba umuntu kumusebya kuriya ntacyo bimaze aramutse yarabikoze yabayarabitewe ningeso cg ninzara kuvugango Ni icyapa!!! umunyamakuruwese kuki ataba icyapa ntawe udakosa

Eugene Niyo - 1 month ago

Uyu munyamankuru si profetional ,Ni kuki buri gihe Akora inkuru zo gusebanya gsa??? Ikindi iyi nkuru nta facts ifite twabyemezwa n’iki ko Ari impamo ko nta photo n’imwe ibigaragaza? Ubu mwabuze ibintu byiza muvuga ku Bantu b’Inyakabuye???

- 1 month ago

Umuntu wumugabo yandi ubusa ngo no umunyamakuru ubuse ibi bifiye abanyarwanda umumaro

Jean D’Amour NTAWIHEBA - 1 month ago

Nibaza ko igifite icyo cyamarira abanyarwanda ari ukuvuga ibigwi bya mwalimu kurusha kumuharabika.

Bernard - 1 month ago

Dear journalist, wize he? Abarimu ni abantu b’agaciro, mujye mwubaha. Ubwo se iyo ni byacitse?
- Ko utamubajije icabimuteye?
- Nyir’ inkoko ni inde?
- Yabonywe na nde?
- Wowe wari uri he ibyo biba?
- Ese iyi nkuru urumva yungura iki abasomyi b’ikinyamakuru ukorera?

Jclaude - 1 month ago

Erega uyu munyamakuru nawe yanyuze imbere ya mwarimu, yakabaye avuga aziga, kuko aracyigisha umwanya we cg murumunawe. ikindi kandi uyu mwarimu nawe ni gitera, aho kumwica rero wakwica ikibimutera. Nonese, ntibyananiranye kuvuganira mwarimu, ariko uruhande nakwita ruto rutagaragaye neza Ruhawe intebe kurusha kuvuganirwa

Gave - 1 month ago

Seiko nyamara akazi,muzaze karanze karabuze pee! None Se uyu munyamakuru yabuze I kind I yavuga Kiri cyiza Kuri mwarimu?ubu Se iyo akorera ubuvugizi abarimu batarabona akazi naho abana birirwa aho batize aho guharabikana ngaho Se nashyireho amafoto ajyanye n, iyi nkuru arrow guteka imitwe

Wellars NYANDWI - 1 month ago

Mwarimu aribasiwe too! Mwe murumva ari ukuri koko? Naho gushishoza.

Mushengezi jean Baptiste - 1 month ago

Leta yongeze umushahara wamwarimu birabonekako yarashonje

Mushengezi jean Baptiste - 1 month ago

Leta yongeze umushahara wamwarimu birabonekako yarashonje

Rodriguez - 1 month ago

Mwarimu yaragowe ntakiza mujya mumubonaho Koko? Gusa nimba aribyo birababaje kdi biteye agahinda.

Misago Tito - 1 month ago

Birababaje ariko bakurikirane neza wasanga yari yanyweye ibiyobyabwenge Gusa asebeje abarimu bose

Hategekimana Celestin - 1 month ago

Ahahhhh!!!!!

NIYIBIZI VALENS - 1 month ago

Ahubwo uyu mwanditsi ndabona nawe afite ikibazo gikomeye. Nawe se urandika inkuru zidafite icyo zungura abantu,wagiye utara inkuru zifatika.Ubu nuca no kumwana akoze nunkono mamawe ari kumuhana uzandika? Ikindi kdi ntabwo wakavuze ngo mwarimu arongora ahubwo asambanya umwana.Jya rero ukoresha critical thinking iri high kuko sibyiza kwandika utuntu nkaho ari abana uri kubarira inkuru

Maman Shukuru - 1 month ago

Igitekerezo : Nkuko J..C yabivuze abarezi twibaza niba bagomba guhora bagaragara mu bibi gusa. Hari benshi baba bafite Innovation,Hari abiteza imbere bafite byinshi basangiza abandi.Mbona rero bake bateshutse bagirwa inama ariko namwe rwose ntimukagere kuri mwarimu ngo bibe byacitse. Hari ikijyanye n’umushahara ,birazwi hose ko ari muto ariko ntukwiye kuba sujet y’iteshagaciro.Abakuze twarawukoreye uradutunga uraturera.Murakoze Tujye twubahana.

Migisha - 1 month ago

Yezu akuzwe bavandimwe.Mu by’ukuri kuba mwarimu yaribye cg agakora andi makosa yego biragayitse ariko ni nk’uko n’undi wese byamubaho yaba abishaka cg bimugwiririye.

Migisha - 1 month ago

Yezu akuzwe bavandimwe.Mu by’ukuri kuba mwarimu yaribye cg agakora andi makosa yego biragayitse ariko ni nk’uko n’undi wese byamubaho yaba abishaka cg bimugwiririye.

Bruno - 1 month ago

Njye mbona abantu borokamwe n,inkuru zo gusebanya arik byagera kuri mwarimu bagasya batambaye.Ese ubu ntakindi mwavuga kuri mwarimu uretse kumusebya ?babivuze ukuri koko ururimi ruvuga undi ruragororoka.

Nsanzimana Ildephonse - 1 month ago

Ahubwo naho barihangana ubu tuvugana n
zi uturere tutarahemba ukwa mbere ,bazi ubusa babahemba barangiza bakirirwa bavuga, please Aho kwica igitera bazice ikibigitera

Byukusenge Belancille - 1 month ago

Abarezi tugeze kure pe! Ni aha Yezu na nyina. Mbega ngo turaseba weeeee! Birababaje. Ubu se mwarimu azigisha indangagaciro nawe ntazo agira? Abo ni abo tuba tumenye. Abambaye agahu k’ intama imbere ari amasega aryana nibo benshi. Nitureke amaseminari yigishe kuko abarezi n’ abanyeshuri baho baba ari intoranywa nta kubyinirira kuhaba.

Thadee Habanabakize - 1 month ago

Nge mbona kuba yakize iki cyaha Atari igitangaza. Ahubwo icyo nibaza kuki imyandikire yinkuru ishingiye kukuba ari mwarimu nkaho yayibye ava cg ari kwigisha. Nge numva inkuru yari kumwandikwaho nka nyirubwite ahubwo wenda hakaza gusobanurwa icyo yakoraga.

Niyitegeka jeyden - 1 month ago

Ukombibona uwo mwarimu afite ikibazo gikomeye kwica inkoko akanayibaga munzira ubanze Atari ukuyiba ahubwo haribyo yahamuraga cg ibyamutegetse kubikora Wenda n’ubwo mwarimu ahembwa duke ndavuga udufaranga ariko ntiyabura ago kugira inkoko NGO ayirye.gusa bibayebyo mwarimu yaba agezekure .murakoze

Gerishom - 1 month ago

Nta gitangaza kiri mo. Amafaranga umwalimu ahembwa ni make nti byatuma biba nk aho yaciye inka amabere. Ashobora kwifuza kurya iyo nkoko na we cyane ko mu yo ahembwa inkoko itava mo. Abantu nti bihangana kimwe we byaramunaniye.

Jean Baptiste - 1 month ago

Uriya mwarimu biragaragara ko utamenya ibyamubayeho, yari yatewe n’imyuka mibi kuko nta mwarimu muzima wafata inkoko ngo ayicishe urwembe nta badayimoni bari kumukoresha!Gusa birababaje.Asebeje abarimu.

NSENGIYUMVA Jean pierre - 1 month ago

Mwalimu uretse kuba yitwa gutyo ni umuntu nk’abandi.Ariko nawe biragaragara ko imyandkkire yawe irimo amakosa menshi y’imyandikire,uzasubire kwiga.

Jean Pierre NIYONSENGA - 1 month ago

Ariko rwose Fabrice inkuru zawe zirasekeje, ni ugusebanya gusa. Abatasambanye baba bibye? Ubu se ko tuzi ko media is the voice of the voiceless people ubu koko nawe niko ubizi? Ese wize journalism or communication? Uzi ko wagira ngo uri writer at the same time chief editor?

So, andika inkuru zihindura ubuzima bw’abaturage.

Jean Claude - 1 month ago

Iyi nkuru irababaje.ariko hari icyo nibaza nk’umurezi.Kuki inkuru zanyu kuri mwarimu ari izisebanije gusa?Nta kiza agira mu buzima busanzwe mwatangaza? Mugire akazi neza.

Izindi nkuru