Yashyizweho kuri3 October, 2019 | 07:06

Nyarugenge:Umusaza rukukuri w’imyaka 85 yasambanyije umwana w’imyaka 7 y’amavuko

Mu mudugudu wa Kagunga akagari ka gasharu umurenge wa Rwezamenyo umusaza witwa Munyampanzi Dominique w’imyaka 85 yasambanyijeashe umwana w’imyaka irindwi (7) y’amavuko wabanaga na Nyirakuru.

Aya mahano yabaye kuri uyu wa Gatatu tariki 2 Ukwakira 2019 ahagana saa moya n’igice za mu gitondo aho uyu musaza yararanye n’uyu mwana mwene Kubwimana Jean de Dieux na Tuyizere Chantal ariko usanzwe abana na nyirakuru witwa Nakabonye Consiliya w’imyaka 62 y’amavuko.

Amakuru agera kuri Muhabura.rw ni uko ifatwa rya Munyampanzi ryaturutse ku makuru yatanzwe n’abaturage aho aribo bavuze ko yararanye n’uwo mwana akanamusambanya ariko nawe akimara gufatwa yiyemereye icyaha anagisabira imbabazi.

Umuvugizi w’urwego rw’ubugenzacyaha (RIB) Mbabazi Modeste yemereye Muhabura.rw ko Ayo makuru ariyo ariko yirinda kugira byinshi ayavugaho.

Ati"Iyo ni muyarekere ubugenzacyaha".

Nyuma abo bombi ngo bahise bajyanwa kuri sitasiyo ya RIB mu murenge wa Rwezamenyo.

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


1 Comment

Izere - 2 weeks ago

Igitekerezo uwowana yahohotewe pe ?

Izindi nkuru