Yashyizweho kuri26 February, 2020 | 11:52

Kirehe: Umwarimu afunzwe akurikiranyweho gusambanya umunyeshuri yigisha

Mukarere ka Kirehe mu Murenge wa Kigarama Akagali ka Kigarama mu mudugudu wa Humure ! Umwarimu witwa Ndayambaje Alphonse yafashwe yararanye umwana w’umunyeshuli w’umukobwa yigisha mu macumbi y’abarimu

Amakuru agera kuri MUHABURA.RW arahamya ko umwarimu witwa Ndayambaje Alphonse ari mu maboko y’ubugenzacyaha station ya Kigarama aho akurikiranyweho gusambanya umwana yigisha mu rwunge rw’amashuri rwa Kigarama .

Ibyo bikaba byarabaye taliki 22 Gashyantare 2020 ubwo umwana w’umukobwa wiga muri iki kigo mu mwaka wa Gatandatu yahagurutse mu rugo agiye ku ishuri ariko agasiga abeshye iwabo ko ataribugaruke ngo kuko aribuze kurara mumasengesho nkuko byemezwa na bamufatiye mu macumbi y’abarimu.

Umwe muribo utashatse ko amazina ye atangazwa yagize ati "Twafashe umwarimu wigisha S6 kuri GS Kigarama witwa NDAYAMBAJE Alphonse 32ans,tukaba twamusanganye umunyeshuri yigisha S6 witwa NYAMPINGA Erina 21ans yamuraranye mu icumbi ry’abarimu,akaba yari yabeshye iwabo ko yagiye mu masengeshesho.
Uwo mwarimu afungiye kuri police station ya kigarama naho umukobwa yoherejwe kwa muganga Kirehe. thx"

Amakuru agera kuri MUHABURA.RW aravuga ko uyu mwarimu yacunzwe bikomeye n’abarimu bagenzi be maze batanga Amakuru ku nzego z’umutekano bamugwa gitumo ashyikirizwa urwego rw’igihugu rw’ubugenzacyaha Station Ya Rib/Kigarama.

Umuyobozi w’akarere ka Kirehe Muzungu Gerard yahamirije MUHABURA.RW ko ayo makuru ari ukuri , anemeza ko dosiye yageze mu bushinjacyaha .

Muzungu yagize ati: "Ayo makuru niyo ni ukuri ariko mwabaza abakozi b’urwego rw’ubugenzacyaha kuko nibo bafite iyo dossier y’uwo mwarimu."

Kuruhande rw’Urwego rw’igihugu rw’ubugenzacyaha RIB, twahamagaye umuvugizi warwo Michelle Umuhoza nti yabasha ku twitaba.

Rusizi:Umuyobozi w’ikigo cy’amashuri yarwanye n’indayi yabuze ubwishyu imutwarira telefone

Rusizi:Umwarimu wigisha mu kigo cy’amashuri abanza yafashwe yibye inkoko

Denis Fabrice Nsengumuremyi /MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru

Inkuru zikunzwe