Yashyizweho kuri11 December, 2017 | 13:37

Umuyobozi w’Intara y’iburasirazuba Mufurukye Yagize icyo asubiza abaturage bari gusaba ubufasha Perezida

Taliki ya 23 kamena 2012 n’ibwo igikorwa cyo gukora amaterasi mu Murenge wa Jarama cyatangiye , Hashize imyaka 5 yose Abaturage bo mu murenge wa Jarama mu Karere ka Ngoma ndetse n’abandi baturutse imihanda yose mu gihugu,bakoze amaterasi muri uwo Murenge, aho bakoze hafite ubuso burenga hegitare 42,Rwiyemezamirimo witwa Ntakirutimana Frorien wari uhagarariye Kampani yitwa ECOCAS, yabambuye miliyoni 33731 z’amafaranga y’u Rwanda, bakaba basaba ko Nyakubahwa Perezida wa repubulika ko yabafasha kurenganurwa .
,
Nkuko abaturage bari babyemeranijweho na Rwiyemezamirimo ko azajya abahemba nyuma y’iminsi 15 ariko siko byaje kugenda ahubwo bajyaga babizeza ko bazahemba ukwezi gushize,nabwo bagategereza bagaheba.Nyuma hashize amezi 6 bamaze gukora hegitare 42 zihwanye na miliyoni 33 n’ibihumbi 731 z’amafaranga y’u Rwanda ,akazi baragahagaritse kuri taliki 2 ukuboza 2012batangira igikorwa cyokwishyuza .

Kwishyurwa byarananiranye abari baraturutse hanze y’akarere nko muri Nyanza,Karongi,.. ..bashaka uko bataha nubwo byari bigoranye aho bajyaga gufunguza ndetse bakajya no munsengero gusaba amafaranga y’urugendo ngo bitahire nkuko twabitangarijwe n’umwe mubakozemo atashatse ko izinarye twaritangaza, bibangombwa ko hitabazwa leta ,arinabwo abaturage bajyanye ikirego ku karere,ka bizeza gukurikirana uwo mukoresha .

Mutabazi Emile utuye m’Umurenge wa Jarama, akagari ka Jarama umudugudu w’Abiyunze wari umukuru w’abakozi yabwiye Muhabura.rw ko byageze mu nkiko, aho mu rukiko rwibanze rwa sake, rwiyemezamirimo yatsinzwe ariko nyuma yaho yaje kujurira avuga ko urukiko rwaciye urubanza nta bubasha rwari rufite, urubanza rujyanwa murukiko rwisumbuye rwa Ngoma maze urukiko rwanzura ko akarere gatsinzwe aho yagize ati”Twagiye mu rukiko rw’ibanze I sake, tugezeyo rwiyemezamirimo aratsindwa bamusaba ko yakwishyura abaturage, nawe ahita ajurira mu rukiko rwisumbuye rwa Ngoma , agezeyo bavuga ko urukiko rw’ibanze rwaburanishije urubanza rutari rubifitiye ububasha , cyereka arezwe mu rukiko rw’abacuruzi . bugingo ubu ikibazo twagerageje ku kivuga ku karere barakizi , ku Ntara Guverineri yaraje icyo kibazo turakimubwira,na bugingo ubu amaso yaheze mu kirere ntabwo turabona igisubizo cyayo mafaranga .”

Mutabazi nk’uwuhagarariye abambuwe asoza asaba Perezida wa repubulika nkuko asanzwe afasha abaturage ko nabo yabafasha kubona amafaranga yabo Yagize ati”Twebwe nk’abaturage bambuwe,ikibazo niba akarere kakizi n’intara Y’iburasirazuba ikaba ikizi bakaba baragerageje byaranze , Twe twifuza ko wenda ahari nk’imbaraga za Perezida wa repubulika nkuko n’ubundi asanzwe arengera abaturage, natwe aturengeye byazatugirira akamaro nibura utwo dufaranga tukatubona kubera ko igihe gishize ari kirerekire. niba ibintu byarahereye 2012, uyu munsi wa none tukaba tugeze muri 2017 tukaba tutarabona ayo mafaranga, njye numva igisigaye nka Nyakubahwa Perezida adufashije rwose akabimenya wenda ahari yatwishyuriza ayo mafaranga kandi natwe byadufasha”.

Muhabura.rw ivugana n’uwambuye Abaturage (Rwiyemezamirimo Ntakirutimana Frorien ) avuga n’uburakari bwinshi ko ngo kuri we ntacyo yatangaza ahubwo ibyinshi byabazwa company ya Ecocas yakoreragaho yagize ati” Ibyo ni Kampani [company] yabikoresheje ntabwo arijyewe.Genda ubibaze Kampani, ubuse ninjyewe ubibaza? oya niba ari ibyo ngibyo wagenda ku bibaza Kampani njyewe ntabwo nkirimuri yo Kampani , Ntabwo nsobanura ibintu bitari kundeba , urihangana kandi , urabibaza uwo ukwiye ku bibaza baguhe amakuru!!(n’uburakari bwinshi)".

Aganira na Muhabura.rw, Umuyobozi w’Intara y’Iburasirazuba Mufurukye Fred, yemera ko nawe ikikibazo akizi kandi ko kubera imyaka kimaze bari kugikurikirana bitonze aho yagize ati"Ikibazo....! Imyaka kimaze kirasaba kugikurikirana witonze, ntabwo ari ikintu wajya gucyemura uwo munsi,turacyagikurikirana! ikibazo kimaze imyaka myinshi ikingenzi nuko tukizi kandi tukakijyamo".Yasoje avuga ko atakwizeza abaturage ko kizacyemuka vuba ariko bari kugerageza uko bishoboka ngo gicyemuke.

Iki kibazo kimaze imyaka itanu kitaracyemurwa, abaturage ntamunsi batakibaza munama ziba zitabiriwe n’abayobozi batandukanye ariko gucyemuka bikaba ingorabahizi.ubu uyu abaye umuyobozi w’intara y’iburasirazuba wa kabiri ugiye kugerageza kugicyemura nyuma yuko uwo yasimbuye yagerageje kukijyamo bikananirana ,ikindi hakibazwa niba ari rwiyemezamirimo wananiranye mukwishyura abaturage cg ari uburangare bwabayemo kubashinzwe kureberera abaturage babijyamo biguruntege.

Yanditswe na Habarurema Djamali/Muhabura.rw


Tanga igitecyerezo

Amazina
Ubutumwa

1 Comment

umurerwa tricia - 2 months ago

Ariko president yaragowe nawe ubu koko ababayobozi bamufasha iki? nibibazo byagakemuriwe mumudugudu niwe uzajya aza kubikemura please mube serious nuwo gukemura ibibazo suwogukemura utubazo.

Izindi nkuru