Yashyizweho kuri3 October, 2018 | 00:15

Rusizi: Umugabo arahigishwa uruhindu nyuma yo gusambanya abana be babiri akabangiza nyababyeyi

Umugabo usanzwe ari umushoferi wa Taxi Voiture witwa Murwanashyaka Gaspard,utuye mu murenge wa Nzahaha, abana be babiri b’abakobwa bavuga ko iyo yazaga yasinze yabasambanyaga,akaba yarabitangiye nko mu mezi umunani ashize ubwo umugore we yabasigaga mu rugo akajya kubyara kwa muganga.

Aba bana umwe w’imyaka 11 undi afite imyaka 8,bavuga ko mu gihe se yabasambanyaga, ngo yabihanangirizaga ababwira ko nibaramuka babivuze azabica.

Ariko ngo umwana umwe w’imyaka 11 ubyarwa n’umugore wa mbere wa Murwanashyaka kuri ubu batandukanye,yahoraga abwira mukase ko se akunda kubasambanya maze uyu mugore akanga kubyemera kuko ngo yakekaga ko uyu mwana w’umukobwa yaba ari guharabika umugabo we.

Amakuru ducyesha TV1 na Radio1 ngo mu ijoro ryo ku cyumweru tariki ya 30 Nzeli 2018 ni bwo uyu mugore ngo yaje gufatira mu cyuho umugabo we ari gusambanya aba bana maze aramwikanga, maze uwo Gaspard ahita afata umugore we ashaka kumufungirana mu cyumba baragundagurana ari na bwo yahise atoroka.

Uyu mugore mu mvugo ye yuje ikiniga n’agahinda ko yivugira ko nyuma yo gufata umugabo we asambanya abana yibyariye yabaye nk’ukubiswe n’inkuba.

Nk’ uko bigaragara ku mpapuro z’ibizamini byo kwa muganga ku kigo nderabuzima cya Islamic Bugarama aho aba bana bahise bajyanwa by’igitaraganya,bigaragaza ko aba bana bafashwe ku ngufu ndetse bakanakomeretswa mu myanya ndangagitsina, ibyo mu ndimi z’amahanga muganga yise "Violence sexuel avec urcelation genitale".

Umuvugizi w’agateganyo w’ubugenzacyaha mu Rwanda (RIB) Mbabazi Modeste yavuze ko uyu mugore yaje gutanga ikirego umugabo we yamaze gucika,gusa kuri ubu uru rwego rukaba ruri gushakisha uwo mugabo Murwanashyaka Gaspard kugira ngo ashyikirizwe ubutabera a.

Yanditswe na Habarurema Djamali


Tanga igitecyerezo

Amazina
Ubutumwa

4 Comments

mukundwa - October 2018

Turi mubihe byanyuma pe ibaze ago umugabonafata abana abereye papa akabasambanya Mana tabara isi yacu

mukundwa - October 2018

Turi mubihe byanyuma pe ibaze ago umugabonafata abana abereye papa akabasambanya Mana tabara isi yacu

eddy - October 2018

Ariko Mana weee!! isi yararangiye nu kuri pe.

None c umuntu w’umubye yisambanyiriza abana akabangiza bene ako kagene koko? cyakora inzego z’umutekano zimushakishe kutamubona akanirwe uru mukwiye kuko ni igisebo gikomeye rwose.

Bibonimana Joachim - October 2018

Uyo mugabo akwiy gushyakishwa bakamuta muri yompi kuko yakoze icyaha gikabije hama muzatugezeho uko vyabandanije

Izindi nkuru

Inkuru zikunzwe