Yashyizweho kuri2 October, 2018 | 23:45

Radio ebyiri zikorera mu mujyi wa Kigali zahagaritswe by’agateganyo

Amaradiyo abiri yakoreraga mu mujyi wa Kigali ayoborwa n’umuntu umwe kuri uyu wa 2 Ukwakira 2018 yahagaritswe by’ agateganyo nyuma y’ igihe avugwamo ibibazo by’ amikoro make.

Ayo maradiyo ni Hot FM ivugira ku 103.6 na City Radio ivugira kuri 88.3 mu mujyi wa Kigali. Aya maradiyo yombi ayoborwa na Kelvin Katuramu.

Ibi bibaye nyuma y’ ukwezi kumwe abanyamakuru ba City Radio batangaje ko bamaze amezi badahembwa n’ubwo bamwe bahakana iby’uko binubira ko batahembwe bakagerekaho no gushwishuza abatangaje ko batahembwe.

Amakuru kimwe mu bitangazamakuru bikorera hano mu Rwanda cyamenye ngo ni uko aya maradiyo yakuwe ku minara n’ Ikigo cy’ Igihugu cy’ Itangazamakuru RBA nyuma yo kumara amezi atandatu atishyura ubukode bw’ iminara.

Aya maradiyo kandi abereyemo Ikigo cy’ Igihugu cy’ Imisoro n’ Amahoro RRA umwenda. Andi makuru twamenye ni aho City Radio yakoreraga imaze igihe itishyura ubukode bwaho.

Yanditswe na Habarurema Djamali


Tanga igitecyerezo

Amazina
Ubutumwa

1 Comment

eddy - 2 weeks ago

Ukuntu twakundaga kumva urubuga rw’imikino kuri city radio weee! sha njyewe Taifa na kanyizo na Regis barambabaje ukuntu bakoraga urubuga rwimikino neza badusetsa.taifa rwose nakundaga ukuntu yateraga amahane na regis bagashaka no kurwana ukumva ni ibintu byiza nukuri.nta kundi nyine ni bihangane.

Izindi nkuru