Yashyizweho kuri30 October, 2016 | 16:14

PSF iri gutegura Imurikagurisha rizahuza u Rwanda na Congo-Kinshasa

U Rwanda na Congo- Kinshasa bari gutegura imurikagurisha (Trade Mission) rizabera mu mujyi wa Kinshasha, muri iri murikagurisha bikaba biteganijwe ko ama kompanyi agera kuri 40 aturutse mu Rwanda azitabira iri murika ndetse Urugara rw’abikorera mu Rwanda rukaba ruhamya ko muri iri murika bizafasha mu gukomeza guteza imbere ibikorerwa mu gihugu ndetse bakanabishakira amasoko menshi yiyongera ku yari asanzwe.

Ni imurikagurisha rizahuza ibihugu by’u Rwanda na Congo Kinshasha rikazabera mu mujyi wa Kinshasha aho benshi mu bashoramari ba hano mu Rwanda bazaryitabira bateganirijwe kuzafashwa n’Urugaga rw’Abikorera mu Rwanda, PSF kubufatanye na Leta y’u Rwanda mu buryo bwo gushakirwa ibyangombwa n’indi nkenerwa bitandukanye aha kandi ngo bakaba bazahakura byinshi birimo nk’amasoko y’ibikorerwa mu Rwanda nk’uko bisobanurwa na Kabera Eric ushinzwe itumanaho n’Itangazamakuru muri PSF.

Ati “Abashoramari bo mu Rwanda twe icyo tuzabafasha nka PSF ni mu rwego rwo kubashakira ibyangombwa nkenerwa kugira ngo bitabire iyi trade mission, ikindi tubafasha mu buryo bwo kwiyandikisha hanyuma tukanabashakira za viza n’ibindi byangombwa ubundi tukabajyana mu gihugu iyo trade mission iba iberamo”

Eric Kabera kandi akomeza ahamya ko iyi gahunda ya Trade Mission ifitiye igihugu inyungu nyinshi kandi ko ari ibintu bihoraho ndetse bagerageza gukorana n’ibihugu binyuranye mu rwego rwo gukomeza gushakira abikorera bo mu Rwanda amasoko mashya ndetse no gukomeza kuhuza abacuruzi bo mu Rwanda n’abo mu bindi bihigu. Aha kandi ngo ubu buryo bwo gukora imurikagurisha hagati y’ibihugu bibiri ni ikintu cyatekerejweho n’uru rugaga rw’Abikorera mu Rwanda PSF.

Biteganijwe ko iri murikagurisha rizabera mu mujyi wa Kinshasa ku itariki 02 kugeza kuri 05 z’Ukwezi gutaha k’Ugushyingo 2016, aho uru rugaga rw’Abikorera mu Rwanda rwiteza kuzongera umubare w’amasoko ku bikorerwa mu Rwanda aya kandi ni andi mahirwe ku gihugu mu gukomeza gushyira mu bikorwa gahunda ya Leta yo gushyira byinshi bikorwa n’abanyarwanda ku masoko yo hanze hakinjira bike mu Gihugu.

Yanditswe na Akayezu Jean de Dieu/MUHABURA.rw


Tanga igitecyerezo

Amazina
Ubutumwa

Izindi nkuru