Yashyizweho kuri18 May, 2018 | 07:18

Umuhanda Gatuna-kigali ubu wabaye nyabagendwa

Polisi y’ u Rwanda irabamenyesha ko ubu umuhanda Gatuna-Kigali ari nyabagendwa ku modoka zose ndetse n’amakamyo nk’uko bigaragara mu itangazo yashize ahagaragara kuri uyu wa Gatanu tariki 18 Gicurasi 2018.

Polisi y’u Rwanda ibinyujije ku rukuta rwa Twita yavuze ko umuhanda wabaye nyabagendwa ku modoka zose.

Iryo tangazo rigira riti"Polisi y’ u Rwanda irabamenyesha ko ubu umuhanda Gatuna-Kigali ari nyabagendwa ku modoka zose ndetse n’amakamyo Murasabwa kubahiriza amabwiriza muhabwa n’abapolisi bari gufasha mu rujya n’uruza rw’ibinyabiziga kuko ibikorwa byo kuwusana biracyakomeza".

Polisi y’igihugu yari yaburiye abashoferi bakoresha uwo muhanda ko wangijwe n’ibiza utarimo gukora.Mu itangazo riheruka Polisi yari yashyize ahagaragara yavuze ko abashoferi bakwiye gukoresha uwa Kagitumba.

Igice cy’uwo muhanda cyaridutse ku cyumweru tariki 13 Gicurasi 2018 mu Murenge wa Cyumba wo mu Karere ka Gicumbi, ku buryo byagize ingaruka ku bakoresha uwo muhanda n’abatuye aho wangirikiye.

Itangazo yashize ahagaragara kuri uyu wa Gatanu tariki 18 Gicurasi 2018

Niyomugabo Albert


Tanga igitecyerezo

Amazina
Ubutumwa

Izindi nkuru