Yashyizweho kuri6 February, 2018 | 09:01

Nyanza:Abaturage barasaba kwegerezwa amarerero nyuma yogusanga rimwe mu murenge wose ridahagije.

Nyuma y’aho mu murenge wa Rwabicuma hubatswe irerero ryakira abana b’incuke abaturage baravuga ko ryagize akamaro kanini bakifuza ko yakongerwa

Inzego zigize irerero rihuza abana bataratangira amashuli abanza riherereye mu murenge wa Rwabicuma, mu karere ka Nyanza zihuriza ku ngingo yo kuba umusaruro ritanga ari ingenzi ku buryo ngo hakenewe kurushaho kwegereza abaturage andi marerero nk’iri na bo bakabyungukiramo, cyane ko ngo bamwe batazana abana babo ku nzitizi yo kuba kure y’aho ikigo giherereye.

Kimwe n’andi marerero agaragara hamwe na hamwe mu mirenge itandukanye, irerero rya Rwabicuma ryakira abana bari munsi y’imyaka yo gutangira amshuli abanza mu rwego rwo korohereza ababyeyi babo mu gutanga uburere, ari na ko babohoka bagakora imirimo iteza imbere ingo zabo.

PNG - 535.7 kb
Abana mu ishuli aho barererwa mu murenge wa Rwabicuma

Umwe mu babyeyi barereye mu irerero rya Rwabicuma witwa Mukarushema Esther, avuga ko asanga uburyo yafashijwemo kurera umwana n’inyungu yabikuyemo, ari ibyo kugera kuri buri mubyeyi.

Ati: "Najyaga njyana umwana guhinga nkahinga hato nkabipfa n’umugabo, nyuma yo kumuzana hano narahingaga nkanakora indi mirimo binyoroheye. "
"Ikindi kandi, umwana wiga aha aba asobanutse amenya ibintu rwose. Gusa bamwe mu babyeyi baracyifata bavuga ko ari kure, kandi nanjye nkabona hakwiye ko n’abandi bagezwaho aya marerero kuko ndi umuhamya w’ibyiza bya hano. Bishobotse rero n’abandi babona kuri izi nyungu"

PNG - 494.9 kb
Mukarushema Esther, umwe mu babyeyi barereye muri iki kigo, aganira n’abanyamakuru

Ubuyobozi bw’umuryango ActionAid, usanzwe ufasha mu burezi, ukaba unatera inkunga amarerero nk’aya, buvuga ko bufite gahunda yo kuyageza n’ahandi mu karere ka Nyanza, nkuko byemezwa na Murungi Jannet uwuhagarariye muri aka karere.

Murungi agira ati: "Dufite amarerero Rwabicuma na Mukingo. I Busasamana turikuhubaka irindi. Turashaka gufasha umugore ngo abashe gukora indi mirimo."

PNG - 432.4 kb
Murungi Jannet uhagarariye ActionAid mu karere ka Nyanza

Ubuyobozi bw’akarere ka Nyanza na bwo bwemera ko aya marerero akiri make, ko intego ari ukuyageza henshi hashoboka, ibi bikemezwa n’umuyobozi w’aka karere bwana Ntazinda Erasme ugira ati: " Ni byo turacyafite amarerero macye kuko no mu mirenge yose ntiturayagezamo. Dufite umushinga wo kubanza tukuzuza imirenge yose kugira ngo abana barerwe neza."

Ubusanzwe uko amarerero nk’aya akora, uruhare rw’umubyeyi rwumvikanwaho na ba nyirubwite, aho nko ku irerero rya Rwabicuma buri umwe atanga amafaranga maganatanu (500fr) ku kwezi, umwana agahabwa uburere n’ubumenyi mu minsi isanzwe y’imibyizi kugeza atangiye amashuli abanza.

Kugeza ubu, abana 45 ni bo bamaze gusohoka mu irerero rya Rwabicuma mu myaka ibiri rimaze ritangiye kubakira.

Yanditswe na Nshimiyima Emmanuel


Tanga igitecyerezo

Amazina
Ubutumwa

1 Comment

Wendy - 8 February

My ⅾeveloper is trying to persuade me to move to .net
from PHP. I have alwayѕ disliked the idea becaᥙse of
the costs. But he’s tryiong none the less. I’ve been using WordPress оn vaгious websites foг about a yеar and am nervous ab᧐ut switching to anothеr platform.
I have heaгd good things abߋut blogengine.net. Is there a way I can іmport all my wordpress posts into it?
Any kind of hеlр woսld be greatly appreciated!

Have a look at mу blߋg; بلیط هواپیما تیک بان

Izindi nkuru