Yashyizweho kuri16 August, 2019 | 10:11

Nyamasheke:Impanuka y’imodoka itwaye mazutu yateje inkongi y’umuriro byinshi birahangirikira

Ahagana saa kumi n’imwe z’igitondo mu karere ka Nyamasheke mu murenge wa Kanjongo habereye impanuka y’imodoka yari itwaye mazutu (mazout)ku bw’amahirwe Imana ikinga akaboko ntihagira utakarizamo ubuzima.

Iyo modoka yaritwaye mazutu yagonze station imodoka zinywesherezaho essance,mazout n’ibindi maze bitera inkongi ikomeye maze inzego z’umutekano zo mu ishami ryo guhangana n’inkongi zitangira kuzimya umuriro.

Ucunga umutekano hafi y’iyo station yatangarije Muhabura.rw ko yabonye imodoka igonga station atangira kubona ibishashi by’umuriro biteye ubwoba maze atangira guhuruza yifashishije terefone ngendanwa.

Yagize ati"Ikimara kuyigonga nabonye ibishashi by’umuriro n’umwotsi ujya mu kirere ndiruka maze mbona icyo nakora ari uguhuruza ndetse no gutabaza kuko nabonaga birenze,kandi ntanubundi bushobozi n’abona".

Umuyobozi w’umurenge wa Kanjongo Cyimana Kanyogote yahamirije Muhabura.rw iby’aya makuru y’iyi mpanuka ariko ahamya ko ntawayitakarijemo ubuzima.

Yagize ati:"Nibyo iyo mpanuka yabaye ariko nta muntu wahitanywe nayo ariko yangije ibintu bimwe na bimwe ariko tutaramenya agaciro kabyo mu mafaranga y’u Rwanda,ariko haricyabarurwa ibyangiritse".

Twashatse kumenya icyo ishami rya Polisi rishinzwe inkongi ku murongo wa terefoni ariko ntibyadukundira.

Nsengumuremyi Denis Fabrice/MUHABURA.RW


Tanga igitecyerezo

Ibitekerezo


Tanga igitekerezo


1 Comment

Emmy - 1 month ago

Ikirere kirahashiriye bariya baturage begerezwe imodoka zakizimya mwoto

Izindi nkuru

Inkuru zikunzwe