Yashyizweho kuri9 September, 2019 | 22:14

Nyamasheke:Umwarimu yahimbye imashine zituraga amagi akavamo imishwi y’inkoko

Umwarimu witwa Nduwayo Emmanuel utuye mu kagali ka Kibogora, mu murenge wa Kanjongo ho mu karere ka Nyamasheke akomeje urugamba rwo kwihangira umurimo aho mu rwego rwo gutumiza ibikoresho bimwe na bimwe byifashishwa mu buhinzi n’ubworozi,yihimbiye gukora imashine zituraga amagi maze akavamo imishwi.

Izi mashine azikora yifashishije ibikarito bakuramo ibintu ndetse n’utwuma ajya kugura.Mu kiganiro yagiranye na Muhabura.rw, Nduwayo Emmanuel yasobanuye uko iki gitekerezo cyo gutunganya izo mashini yakigize.

Yagize ari:"Mu Rwanda turacyafite ikibazo cyo gutumiza ibintu byinshi mu mahanga ndetse harimo n’izi mashini zituraga amagi, njyewe rero icyo gitekerezo nakigize mu mpera z’umwaka wa 2017 ariko kinguma mu ntekerezo ngitangira muri uyu mwaka wa 2019 ariko ngamije guteza imbere gahunda yo kwigira ikindi nanacyemura ikibazo kibitumizwa mu mahanga kuko natwe ntacyatunanira turashoboye".

Yavuze ko hari bimwe mu bikoresho aba afite nk’ibikarito ariko ibindi akabibura bitewe n’ubushobozi buke.

Ati:"Bimwe ndabibona ku buryo bunyoroheye ariko ibindi bikangora aha navuga nk’imashine zikonjesha (humudifier),imashini igenzura ubukonje (controller of humudifier,Funs ndetse n’imashini bita Heator".

Gusa nubwo akora ibi ngo ntabwo bimubuza gukora neza umwuga we w’ubwarimu asanzwe akora aho yemeza ko byose ari gahunda umuntu yiha kandi bikagenda neza.

Ati:"Ndabyuka nkitegura i saa moya nkaba ngeze ku kigo ngategura ibidanago (Documents Pedagogiques) isaha yo gutaha yagera nkahita njya mu byanjye aribyo byo kwita kuri iyo mishwi byose nkanabifatanya no kuyitaho mu gihe cya weekend,urumva rero ibyanjye biri kuri gahunda".

Avuga ko izo mashine zimugoye kuzibona kugirango yongere imishwi abona ndetse ikwirakwire hose.Ikindi ngo mu kwirwanaho yifashisha akamashine gato kitwa ’Thermostant’ kakamufasha nubwo kamuha umusaruro muke ugereranyije n’igihe aba yataye ndetse ntabashe guhaza isoko.

Bityo ngo abonye umuterankunga ikoranabuhanga ryo gutubura inkoko akora ryatera imbere kandi agahaza n’amasoko mpuzamahanga nawe akaba Rwiyemezamirimo nk’abandi bubatse izina.

Mu nama y’umushyikirano iheruka ya 2018 umukuru w’igihugu yagarutse kuri gahunda minisiteri y’ubuhinzi n’ubworozi yo gutumiza imishwi mu mahanga maze ababwira ko hari icyakorwa maze imishwi igatuburwa n’abanyarwanda kandi igatuburirwa mu Rwanda aho gutuma Leta itakaza amafaranga menshi mu kuyitumiza hanze mu mahanga.

JPEG - 41.7 kb
Nduwayo ukora imashine zituraga amagi akavamo imishwi

Denis Fabrice Nsengumuremyi/MUHABURA.RW


Tanga igitecyerezo

Ibitekerezo


Tanga igitekerezo


3 Comments

Maniragaba Faustin - 2 days ago

Ndahayo ndamushimiye kandi akomerezaho kandi namumenyeshaga ko ageze I Kigali namufasha kumuha Ibikarito ku bwinshi murakoze

Mugezi venuste - 1 week ago

Ibi ariko president wacu abimenye byaba arishema ryu u Rwanda Made in rwanda

Urimubabo - 1 week ago

Leta nimufashe uwo mushinga wafasha benshi mu iterambere no guca indwara ziterwa n’imirire mibi

Izindi nkuru

Inkuru zikunzwe