Yashyizweho kuri28 December, 2017 | 08:50

Ngoma: DASSO yagaragaje ubutwari, isubiza akayabo k’ Amafaranga yatoraguye kubushake

Mugitondo cyo kwa gatatu taliki 27 ukuboza, Ku biro by’umurenge wa Kazo uwushinzwe umutekano Ku rwego rwa DASSO witwa Tuyisenge Fabrice yatoraguye akayabo ka milliyoni ebyiri z’amafaranga y’u Rwanda yari yatawe n’umutegarugoli witwa Mukashyaka Hycente yaraje ku biro by’umurenge kuhasha service arayamusubiza kuneza.

Ubutwari n’ubunyangamugayo bwaranze DASSO Tuyisenge Fabrice bwo gutoragura aka kayabo k’amafaranga akongera akagira umutima wo kuyasubiza nyirayo umutegarugoli witwa Mukashyaka Hyacente uri mukigero cy’imyaka 34 y’amavuko wo mu murenge wa Kazo akagali ka Kibimba umudugudu wa Kinyonzo ubwo yari aje kubiro by’uwo murenge maze yicara ku ntebe abategereje abayobozi ngo babacyemurire serivice bicaraho, ubwo abayobozi bahageraga yinjiye mu Biro asohotse ahita yurira moto yibagirirwa agakapo aho yariyicaye nibwo nyuma yaho katoraguwe numwe mu bashinzwe umutekano Ku rwego rwa Dasso.Aya makuru kandi yemejwe n’umuyobozi wa DASSO mu murenge wa kazo witwa Muhawenimana Albert ndetse n’uwari yataye ayo mafaranga.

Albert yabwiye Muhabura.rw uko uwo abereye Umuyobozi yabyitwayemo amaze gukubita amaso agakapo kari Ku ntebe kuzuye amafaranga y’u Rwanda angana na miliyoni ebyeri aho abategereje service bicara agira ati"Twari ku kazi Ku murenge, Umudamu aza gusaba serivise , ariko niba yavaga kuri bank cg yarari kujyayo ntabwo twabikurikiranye cyane,yari afite agakapo gato mu ntoki.hari ukuntu bajya bicara Ku ntebe wenda abakozi batari baza babategereje, yari wenyine aba agasize aho ngaho.amaze kugasiga, ubwo umusore (Dasso) wari ari kuburinzi ahita agafata.umugore kuko yarari kumwe n’umumotari yahise agenda arataha.Maze agafashe(Dasso) arampamagara muri office ndahagera mukurambura dusanga harimo miliyoni ebyiri (2000000frw).Mu masaha nka ngahe wa mugore aba aragarutse ngo nta bintu byanjye ntaye aha? Turubaza ngo n’ibiki? Ngo ni agakapo kameze gutya na gutya.atubwiye umubare twumva birahuye tumusubiza ibye aragenda".

DASSO witwa Tuyisenge Fabrice watoraguye akayabo
arimo kuyasubiza U mutegarugoli witwa Mukashyaka Hycente WARI WAYATAYE

Kuruhande rw’uwatoraguriwe amafaranga amaze kuyata aho yari yicaye ariwe Mukashyaka Hyacente n’ibyishimo byinshi ngo ntabintu byinshi yavuga agira ati"Njyewe ndumva ntabintu byinshi navuga pe!!! Gusa nuko nabyibagiwe ngarutse arabimpa".

Akomeza avuga ko ntakindi yavuga usibye gushima IMANA yo yamurengeye agira ati"Gusa icyo navuga, ndashimira IMANA yo yandengeye.nicyo rwose mbwira abantu bayikorera batayihangika ko ifite ubuzima bwa buri wese mu biganza byayo.Imana yakoraga ibyo ngibyo cyera ibyo twumva muri bibiliya, nabwira abantu ko nubu ikibikora kuko nanjye ibyo nabibonye".

Gusa nubwo bakunze gushinza abashinzwe umutekano mu rwego rwa Dasso ngo nibo bakunze kuwica, uyu Tuyisenge yagaragaje ko usibye umutekano w’abantu barinda n’uwibintu byabo bawunda.Ibutwari bwagaragajwe nuyu Dasso ngo nibwo bucyenewe kuri buri muntu wese kuko abahanga bavuga ko burya kurya ibyavuye munzira mbi ntacyo bigeza Ku muntu usibye gupfa nabi yandavuye.

Yanditswe na Habarurema Djamali Muhabura.rw


Tanga igitecyerezo

Amazina
Ubutumwa

Izindi nkuru