Yashyizweho kuri13 June, 2017 | 15:12

Ngoma: Bashishikarijwe kubaruza ubutaka no kubusorera

Abaturage b’abakarere ka Ngoma bashishikarijwe kubaruza ubutaka ndetse no kubusorere nk’inkingi y’iterambere nkuko insanganyamatsiko y’uyu mwaka ivuga.kandi burya ngo iyo ubutaka butanditswe kuri nyirabwo icyo gihe buba Atari ubwe nkuko byagarutsweho n’abayobozi batandukanye bari bitabiriye uwo muhango.

Kuri uyu wa 12 Kamena 2017 ubwo hatangizwaga icyumweru cyahariwe ubutaka (Land Week) ku rwego rw’akarere ka Ngoma mu murenge wa Sake, akagari ka Kibonde.

Nkuko bimeze mu gihugu hose serivisi zijyanye n’ubutaka haracyarimo ibibazo bitandukanye byaba ibyerecyeranye nuko abaturage bafite ubutaka batabaruje, ubutaka bubaruye nkaho ari ubutuwe kandi bufatanye n’ubuhingwa bityo bikagorana kubusorera.
Abaturage bo mu kagari ka Kibonde, Umurenge wa Sake bashishikarijwe kubaruza ubutaka no kubusorera

Ibi bibazo kimwe n’ibindi kuri ubu ubuyobozi bw’akarere ka Ngoma bukaba bwijeje abaturage ko gucyemurwa muri iki cyumweru maze buri munyarwanda akabasha gukoresha ubutaka bwe nta zindi mbogamizi

Umuyobozi w’akarere wungirije ushinzwe ubukungu n’Iterambere Rwiziriza Jean Marie Vianey, yasabye abaturage ko bagerageza iki cyumweru kikazarangira ikibazo cyose cyerekeranye n’ubutaka cyacyemutse kandi yongeraho ko umuntu agira ubutaka ari uko afite icyangombwa cyabwo kandi bumwanditseho

Ati”Nta butaka ufite igihe nta cyangombwa ufite Kandi ngo niba ntabutaka bukwanditseho nta terambere"

Visi Meya Jean Marie Vianney kandi yijeje aba baturage ko kuba baje ari intara ndetse n’akarere, ibyo bibazo biribucyemuke kandi ko nibidacyemuka umunsi umwe, icyumweru kizarangarana nabyo kuko bizajya bikorerwa kubiro by’imirenge yose igize akarere ndetse no kubiro by’akarere.

Yanditswe na HABARUREMA Djamali /MUHABURA.rw


Tanga igitecyerezo

Amazina
Ubutumwa

Izindi nkuru

Inkuru zikunzwe