Yashyizweho kuri18 May, 2017 | 11:22

Minisiteri y’urubyiruko yatangije amarushanwa ku mishinga y’ikoranabuhanga

Minisiteri y’urubyiruko n’ikoranabuhanga yatangije amarushanwa agamije kugaragaza imishinga y’ikoranabuhanga, yerekeye ubuzima ndetse n’ibidukikije mu rwego rwo guhindura ubuzima bw’urubyiruko mu ikoranabuhanga,ubuzima ndetse n’ibidukikije

Iki gikorwa cyabereye muri kaminuza y’u Rwanda ishami rya Gikondo (CBE) riherereye mu Mujyi wa Kigali kuri uyu wa 17 Gicurasi 2017 ku bufatanye na Minisiteri ifite mu nshingano urubyiruko n’ikoranabuhanga ku nkunga ya UNICEF

Iyi gahunda Izwi ku Izina rya Pich Night, igamije gushishikariza urubyiruko ruri munsi y’imyaka 25, kugaragaza ibitekerezo by’imishinga irebana n’ibidukikishe, ubuzima ndetse n’ikoranabuhanga, ibinyujije mu marushanywa ahuriza hamwe imishinga itandukanye imurikwa uwaye uwambere ugahembwa.

Muri iki gikorwa Irere Claudette ,Umunyamabanga muri minisiteri w’urubyiruko n’ikorabuhanga, ufite ikoranabuhanga mu nshingano, wari n’umushyitsi mukuru, yavuze ko iyi minisiteri yiteguye gufasha no gushyigikira urubyiruko rufite ibitekerezo by’imishinga yabateza imbere.

Irere Claudette yagize ati “Urubyiruko ni rwo gishoro rubinyujije mu bitekerezo rufite, twe nka minisiteri y’urubyiruko n’ikoranabuhanga twiteguye gushyigikira no gufasha urubyiruko rufite imishinga yaruteza imbere ndetse igateza imbere igihugu muri rusange cyane cyane mu ikoranabuhanga.”

Uyu munyamabanga muri Minisiteri y’urubyiruko n’ikoranabuhanga kandi yashimiye abafatanyabikorwa b’iki gikorwa bateguye ikigikorwa bakanagishyira mu bikorwa, ndetse abizeza ko bazakomeza gufatanya guteza imbere iki gikorwa.

Aha yagize “ Ndashimira cyane abafatanyabikorwa batekereje iki gikorwa cyo gutegura aya marushanywa afasha urubyiruko rw’u Rwanda kwishakamo ibisubizo by’ imishinga yabateza imbere ndetse n’igihugu muri rusange, binyuze mu ikoranabuhanga , ubuzima ndetse n’ibidukikije. Natwe nka minisiteri y’urubyiruko n’ikoranabuhanga dushyigikiye iki gikorwa kandi turacyishimiye.”

Mu mishanga itanu yerekanywe muri icyo gikorwa uwitwa “ My Green Home” wakozwe n’abanyeshuri babiri bo muri Kepler University, niwo wegukanye igihembo cya mbere cya Pich Night 2017, ukaba warakozwe na Muhoza, Losette ndetse na mugenziwe Kinzuzi Davide.

Uyu mushinga ugamije kubyaza umusaruro imyanda ijugunwa hirya no hino mu mujyi maze ikazajya ikorwamo ibindi bintu bikenerwank’uko Muhoza yabisobanuye. Iri stinda ryabaye irya mbere ryahawe akayabo k’amadorale 5000 ndetse bahabwa na Telefone ndetse na mudasobwa yo kwifashisha mu gushyira mu bikorwa uwo mushinga.


Yanditswe na Ukurikiyimfura Leonce/MUHABURA.rw


Tanga igitecyerezo

Amazina
Ubutumwa

Izindi nkuru