Yashyizweho kuri10 December, 2016 | 10:13

MINEDUC yatangaje Itariki yo gutangira umwaka w’Amashuli 2017

Ministeri y’Uburezi yashyize ahagaragara ingengabihe izaranga umwaka utaha w’amashuli wa 2017-2018 ndetse hakaba hashyizweho n’itariko yo gutangira ku mashuli abanza ndetse n’ayisumbuye, nk’uko byagaragajwe n’iyi Minisiteri iyi ngengabihe ikaba idatandukanye n’umwaka ushize

MUNYAKAZI Isaac, Umunyamabanga wa Leta Ushinzwe amashuli abanza n’ayisumbuye muri Minisiteri y’Uburezi yatangaje ko umwaka utaha w’amashuli Abanza n’Ayisumbuye uzaba ugizwe n’ibyumweru 39 bigabanije mu bihembwe bitatu nk’uko bisanzwe bikorwa.

Yabitangarije mu nama y’Abaminisitiri yateranye kuri uyu wa 9 Ukuboza 2016 muri Village Urugwiro, aho yari iyobowe na Perezida wa Repubulika Paul Kagame.

Umunyamabanga wa Leta ushinzwe Amashuri Abanza n’Ayisumbuye yabimenyesheje Inama y’Abaminisitiri ko ingengabihe y’Amashuri Abanza n’Ayisumbuye mu mwaka w’amashuri wa 2017 igizwe n’ibyumweru 39 bigabanyije mu bihembwe bitatu ku buryo bukurikira.

Igihembwe cya mbere kizamara ibyumweru 10, kizatangira tariki ya 23/01/2017, kirangire tariki ya 31/03/2017; naho Igihembwe cya kabiri kizamara ibyumweru 15, kizatangira tariki ya 17/04/2017, kirangire tariki ya 29/07/2017; ku bijyanye n’Igihembwe cya gatatu cyo yavuze ko kizamara ibyumweru 14, kizatangira tariki ya 14/08/2017, kirangire tariki ya 18/11/2017.

Yanditswe na Akayezu Jean de Dieu/MUHABURA.rw


Tanga igitecyerezo

Amazina
Ubutumwa

1 Comment

ni NGABO - 3 months ago

aggigate mu wa gatatu....

Izindi nkuru

Inkuru zikunzwe