Yashyizweho kuri16 October, 2018 | 13:33

Kigali:Abagenzi bakomeje kwinubira izuba n’imvura bahura nabyo ku mirongo ikabije muri za gale

Abagenzi batandukanye bategera imodoka hamwe na hamwe muri za gale no ku byapa mu mujyi wa Kigali,bakomeje kwinubira serivise idahwitse bahabwa kuko izuba n’imvura bibakubitira ku mirongo miremire bategereje imodoka.

Ibi byakunze kugaragara muri za Gale nyinshi mu mujyi wa Kigali aho mu ntangiriro za wikendi ndetse no mu masaha ya nimugoroba,usaga abangenzi bari ku mirongo miremire bategereje imodoka.Kuri bo babona ibi bidakwiye bityo bagasaba ababishinzwe, gushaka uko bacyemura icyo kibazo kuko baharenganira.

Bamwe mu bagenzi Muhabura.rw yasanze bategeye imodoka muri gale ya Remera bavuga ko gutonda umurongo muremure bituma umuntu adakoresha igihe cye neza bityo bigatuma gahunda ze zipfa.

Umwe muri bo yagize ati“Kuri mugoroba nko mu gihe cya saa mbiri haba hari umurongo muremure cyane wazengurutse nko kugera hariya hirya.Ingaruka zirumvikana nyine, niba umuntu atashye atinze gahunda ze ziba zapfuye".

Yungamo ati"Ubwo ibintu byinshi cyane biba byamaze kwangirika gahunda yari afite igapfa niba urugendo yagombaga gukora rutabere ku isaha yari yihaye”.

Naho abategera kuri za arete bavuga ko bahura n’ibibazo birimo izuba rikabije ndetse no kunyagirwa n’imvura badafite aho bugama kubera umurongo uba ari muremure batakwirwamo.

Umwe yagize ati“Iyo imvura irikugwa urabona kano kazu abantu bari kuri uyu mu rongo ugera hariya ntabwo bashobora kugakwirwamo.Iyo imvura iguye nyine abantu baranyagirwa kandi nta kundi babigenza ikindi n’izuba ntiriba ryoroshye”.

Umuyobozi w’umujyi wa Kigali Rwakazina Marie Chantal avuga ko iki kibazo giterwa ni imyitwarire mibi igaragara ku bakozi bayo ma kompanyi atwara abantu ariko ngo ku bufatanye n’inzego zigenzura imikorere ya ma bisi atwara abantu n’izindi nzego bireba, bagiye gukurikirana uko iki kibazo giteye n’uko cyakemuka.

Rwakazina yagize ati“Ahantu hagenda hagaragara iyo myitwarire mibi y’abakozi b’ayo makompanyi,ubu dufite team ya inspection rwose nanjye nkurikirana rero turi munzira yo kongera iyo connection ngo ibyo bicike."

Yongera ati"Ariko icy’imirongo miremire muri za gale no kuri za arete ibyo biri mu nshingano zacu dufite uburenganzira bwo kumenya uko icyo kibazo giteye ndetse tunashake n’uko cya cyemuka”.

Gusa ntawabura kuvuga ko ibi bibabaje kuko iyo ugeze muri izo gale ubona imirongo miremire kuburyo usanga hari abahagaze abandi biciye cyane cyane nk’abagore batwite aho isereri iba yabafashe bakabura uko babigenza bagahitamo kwicara.Abandi bo baba bahugiye kuri za telefone naho abatazifite bakihangana mu gihe baba bategereje imodoka ngo ize ibatware.

Yanditswe na Habarurema Djamali


Tanga igitecyerezo

Amazina
Ubutumwa

1 Comment

karegeya - 1 month ago

nibadukize ayo mabisi atwiriza ku byapa rwose.kandi nizeye ko umuyobozi w’umujyi wa kigali azabicyemura nkuko agiye gucyemura ibyabatuy bannya he.gusa iremera harakabije kuko ntiwamenya aho wabariza imodoka zigana nyabugo ejobundi baranyobeje njya mumodoka igana ikabuga mpita nyisohokamo banga nkunsubiza amafaranga yanjye kandi ari shoferi wari wambeshye ngo igiye nyabugogo kandi igiye ikbuga.

Izindi nkuru