Yashyizweho kuri1 August, 2017 | 04:34

Karongi :Gahunda za Pererezida Kagame z’imiyoborere myiza zahembuye abanyarwanda bose

Abaturage bo mu karere ka Karongi barashimira cyane Perezida wa Repubulika Paul Kagame, watangije gahunda ya Girinka mu Rwanda n’izindi gahunda zabafashije kurwanya imirire mibi no guteza imbere imibereho yabo muri rusange.

Aba baturage bavuga ko ibyiza Umukuru w’igihugu Paul Kagame yabagejejeho ari byinshi, dore ko ngo ibyo yabasezeranyije ubwo yiyamamazaga mu myaka 7 ishize byose byashyizwe mu bikorwa.

Nsabimana Felicien, umuturage wo mu murenge wa Rubengera , akagari ka Gacaca , yagize ati “Hari abareba Girinka bakayibonamo amafaranga ifumbire, abandi bubakiwe amazu yo ku bamo imihanda ya rubatswe reba ka burimbo tutagiraga amatara aracanye muri Karongi nti watandukanya ku manywa na n’injoro .

Mbwira na we ubu umbona narangije kwiga kaminuza mbikesha Perezida kuko ndi Imfubyi na hawe Inzu yo kubamo, uyu mudugudu ureba mwiza twa wujemo tuvuye mubigo by’impfubyi tukiri bato, none reba tubaye abagabo, Kagame ya tubereye Umubyeyi w’Ikirenga ! ariko kuri ubu Kagame yaduhaye Girinka, abana baranywa amata, akarima k’igikoni gafumbirwa n’ifumbire ikomoka kuri Girinka hakavaho imboga duha abana bakagira imibereho myiza, iyo urebye se ugira ngo Bwaki bamwe baburaga uburyo bayisonura bakitirira bagenzi babo ko babarogeye, ntiyabaye amateka?”.

JPEG - 191.1 kb
Umudugudu wi Kitegererezo wa Ngoma Akagali Kagitega Umurenge wa Rugabano Umuhire Jeanette we avuga ko Girinka n’akarima

Umuhire Jeanette we avuga ko Girinka n’akarima k’igikoni byabahangiye n’umurimo, aho bagurisha amata bagakuramo amafaranga buri kwezi, ndetse buri cyumweru bamwe ngo bagemura imboga zo ku karima k’igikoni.

Yagize ati “Ubu ntabwo ngisaba umunyu kuko iyo ushize nikoza mu mudugudu nkagurisha imifungo itari munsi ya 50, nkakuramo ay’umunyu ngataha, ibi kandi na byo biterwa n’uko twatuye hamwe mu midugudu, aho twagiye dushinga udusantere tw’ubucuruzi ku bw’imiyoborere myiza ya Paul Kagame”.

Umuyobozi w’Akarere ka Karongi Ndagijimana Francois , avuga ko ibyo Perezida Kagame yabagejejeho ari byinshi cyane, ku buryo ubu imibereho yabo yabaye myiza.
Yagize ati “Kagame gahunda ze z’imiyoborere myiza ntabwo zahembuye abanya Karongi gusa ahubwo ni u Rwanda rwose, Abanyarwanda bajyaga kwivuriza kure kubera kutagira ibitaro, bajyaga kwigira mu cyahoze ari Zaire, mbese umwana w’umunyarwanda yakoraga urugendo rurerure bitewe na serivise ashaka, ariko ubu byose biri hafi yabo.

Ariko nanone hari icyo nabasaba birimo gukora cyane, bita kuri gahunda ya Girinka, bumva ko yatumye bazamura imirire barwanye Bwaki, kuko abayobozi inka bari baraziciye burundu, ndabasaba kandi kuzigamira ejo hazaza basigasira umutekano n’ibimaze kugerwaho.”

Ndagijimana Francois yakomeje avuga ko nta kindi cyari cyarabuze ngo abaturage batere imbere nk’ubu, uretse imyumvire mike y’abayobozi no kutakundaga abo bayobora.

Yagize ati "Abaturage bo muri aka karere ka Karongi bagaragaje ko biteguye gusigasira ibyiza bimaze kugerwaho mu myaka 23 ishize, ndetse bakavuga ko n’ubuyobozi bwiza bwabibagejejeho bazakomeza kubushyigikira."

Yanditswe na Ruhumuriza Richard/Muhabura.rw


Tanga igitecyerezo

Amazina
Ubutumwa

Izindi nkuru