Yashyizweho kuri16 March, 2017 | 16:32

Gitifu w’Intara y’I Burasirazuba yifatanije n’abatuye I Kageyo gutangiza ahazubakwa Umudugudu w’Ikitegererezo

Ubyobobozi bw’karere ka Kayonza bwashyize ibuye ry’ifatizo ahazubakwa Umudugudu w’Ikitegererezo muri aka Karere ibikorwa remezo nk’amazi yamaze kuhagera, amashanyarazi n’imihanda nabyo bizashyirwamo, ngo ku ikubitiro hazubakwa inzu 8, zizaturamo imiryango 32 kuko inzu imwe izaba irimo amazu 4 icyarimwe (four in one), Igikumba(ikiraro) rusange, ikigo mbonezamikurire (Irerero), ishuri ry’inshuke, ivuriro, salle nini izajya yakira abantu barenze 500 izaba irimo ibyangombwa byose nk’aho kurebera amakuru muri rusange na Interneti.

Abaturage bagaragarije ubuyobozi ko bishimiye cyane ibi byiza n’iterambere budahwema kubagezaho ndetse banavuga ko by’umwihariko bashimira Perezida wa Repubulika Paul Kagame cyane ko ariwe uba yabatumye.

MUKARUMONDI Flida yagize Ati “Iyo duhaye amashyi Abayobozi nk’aba batuyoboye, tuba duhaye rwose Perezida wacu amashyi menshi kandi nzi neza ko bimugeraho. Naje mu modoka ya mbere yaparitse hano I Kageyo, izanye abantu bari bavuye muri Tanzaniya. Twasanze ari mu ishyamba, ariko Leta ntiyadutereranye kuko intambwe twateye ntizigeze zihagarara ahubwo twagiye twurira ingazi twihuta cyane ndetse tugera hejuru”

Umuyobozi w’Akarere ka Kayonza MURENZI Jean Claude, avuga ko uzaba ari umudugudu koko w’icyitegererezo. Yabisobanuye muri aya magambo: “twizera ko uzaba mwiza n’abaturage bazaba barimo bazamererwa neza. Yakomeje abasaba no kwitabira akazi gatandukanye kahaboneka buri wese ku rwego rwe, ati “hano hari akazi mushoboye kandi gatanga amafaranga, akab’akecyuru abakiri bato, abasaza inzego zose. Kubegereza ibi bikorwa kandi, biba biri mu rwego rwo kugirango abantu babone bwa bushobozi bwa mitiweri n’ibindi byadufasha mu kwikenura mu buzima busanzwe kandi buri muturage ature heza”.

Umunyamabanga Nshingwabikorwa w’Intara y’Iburasirazuba HABIMANA Kizito ubwo yatangizaga ku mugaragaro, ibikorwa byo kubaka umudugudu w’icyitegererezo wa Rugeyo, akagari ka Kageyo, umurenge wa Mwili, kuri uyu wa Gatatu tariki 15 Werurwe 2017 yashimangiye ko kugirango umunyarwanda abe yihesheje agaciro harimo no kuba atuye neza kandi heza.

Gitifu w’Intara y’I Burasirazuba yagize ati “Agaciro k’abanyarwanda rero ntago kaboneka baba mu manegeka, bativuza, abana batiga, bagicana agatadowa n’amwe murabyumva. Nicyo gitekerezo rero kirimo gushyirwa mu bikorwa kugirango namwe abaturage ba Kageyo iterambere mwumva cyangwa mubona ahandi nawe ribagereho”. Iyi midugudu myiza y’icyitegererezo kandi y’icyerekezo, abagiye mu bindi bihugu bazababwira, iri ku rwego Mpuzamahanga. Ni ukuvuga ko n’uba muri bya bihugu bikomeye ntacyo azaba akurusha. Aseka ati: Ngaho nimumbwire uko mu kwa gatanu muzaba mumeze, muriyumva mute”

Yanditswe na Chief Editor/MUHABURA.rw


Tanga igitecyerezo

Amazina
Ubutumwa

Izindi nkuru