Yashyizweho kuri5 June, 2017 | 07:22

Gakenke: Bacibwa imisoro mu buryo budasobanutse

Abakora imirimo y’ubucuruzi bw’ibiribwa ndetse n’abatwara ibijumba n’ibisheke ku magare mu mirenge ya Busengo na Cyabingo yo mu karere ka Gakenke baravuga ko kugeza uyu munsi batari basobanukirwa ibijyanye n’imisoro bacibwa ndetse n’aho iyi misoro ijya cyane ko kugeza benshi muri aba baturage bahamya ko imisoro bacicwa yagakwiye kuba ikoreshwa mu kubaka no gusana imihanda n’ibiraro.Ubuyobozi bw’aka karere bwo buvuga ko ikibazo cy’imihanda kiri hafi kubonerwa umuti naho imisoro yo ngo ni igiciro gishyirwaho n’abahagarariye aba bacuruzi

Hagumimana Gaspard wo mu murenge wa Nyange yagize ati “Tuba twaje gupakira ino ibijumba ariko badusoresha menshi kandi n’inzira ari mbi n’ikiraro ari ukunyura ku giti kimwe tukagerekaho no kurara mu nzira kubera imihanda mibi, ngewe rwose gutanga imisoro nta kibazo ariko nibadukorere imihanda”

Usengimana wo mu murenge wa Cyabingo yagize ati “Ngewe nkora akazi k’ibisheke nk’ubu igeisheke kimwe gisora amafaranga 10 urumva waba urapakira nk’ibisheke 60 urumva ni amafaranga 600 waba uravanamo n’igicrri cy’ijana cyo kwishyura umuhanda tukongeraho na parikingi y’igare mbese iyo ufiteho inyungu y’amafaranga 1000 yose ashirira mu misoro kandi ikindi twongeraho n’amafaranga yo gusunikisha kuko imihanda hano imeze nabi rwose”

Ubuyobozi bw’akarere ka Gakenke bwo buvuga ko ikibazo kijyanye n’imihanda ndetse n’ibiraro bikoreshwa n’abaturage muri aka karere ari kimwe mubyo nabo bazi neza ko kibahangayikishije ari nayo mpamvu bakomeje gushyiramo imbaraga nyinshi bafatanije n’abaturage.
Kuri uyu mufuka hagaragaraho inyemezabwishyu ku musoro aba bacuruzi baba bamaze gutanga

Mu kiganiro na Niyonsenga Aime, Umuyobozi bw’aka karere ka Gakenke ushinzwe ubukungu n’iterambere yagize ati “Ubundi ikijyanye n’imihanda cyane ko nta muntu upatana gukora umuhanda ngo asige ikiraro ubwo rero byumvikane neza ko byose bigomba kujyana ariko hari kompanyi yapatanye gukora iyi mihanda n’amateme kugeza ubu imirimo irarimbanije kandi uku kwezi kwa Kamena kurarangira imihanda n’amateme byose tumaze kubikora ikindi kandi muri iki cyumweru cyahariwe ibikorwa by’ingabo zihuriraho n’abaturage (Army week) kizarangira ibiraro bitagezweho na rwiyemezamirimo twabaruye bisaga 100 bimaze gukorwa ku bufatanye n’ingabo z’igihugu”

Ku kibazo cy’imisoro aba bacuruzi bacibwa mu buryo budasobanutse uyu muyobozi yavuze ko ikibura ari ubukangurambaga no kubasobanurira impamvu nyamukuru yo kubaca imisoro cyane ko arirwo ruhare umuturage ashobora gutanga mu kubaka igihugu.

Ati “Uko byagenda kose ni ugukomeza kubigisha kuko nta kuntu wasabi Leta ibikorwa nawe utabigizemo uruhare, uwo musoro batanga ntabwo uribwa mu bindi bintu ahubwo ni ya gahunda yo kwigira igihugu cyacu kigenderaho kandi ndahamya neza ko abasoreshwa bacibwa imisoro iba yashyizweho n’ababahagarariye byose kubwumvikane harebwa icyateza imbere umunyarwanda Abakora muri iyi mirimo babangamiwe n’imisoro bacibwa badasobanukiwe

Yanditswe na Chief Editor/MUHABURA.rw


Tanga igitecyerezo

Amazina
Ubutumwa

Izindi nkuru