Yashyizweho kuri20 December, 2018 | 08:39

Burera:Ubuharike ku isonga mu kudindiza iterambere ry’umuryango mu mirenge ihana imbibi na Uganda

Bamwe mu bagore batuye mu murenge wa Bungwe,baravuga ko ubuharike butuma nta jambo bagira ku mitungo.Ibi bigoranira k’ukuba nta nguzanyo wasaba muri banki, kuko usabwa fotokopi y’irangamuntu y’umugabo w’isezerano kandi hari n’abamaze imyaka iri hejuru 10 barataye ingo bibera Uganda .

Ni kenshi hagiye humvikana ikibazo cyubuharike mu mirenge ihana imbibe n’igihugu cya Uganda,abagabo bagatera umugongo inshingano z’urugo ahubwo bagashakira abandi bagore mu bupagasi.

Uretse kugwa mu cyaha cyo guta urugo ,kuri iyi nshuro ngo aba bagore babangamiwe no gusonzanya imitungo,ku bwo kuzitirwa nibyangombwa byabafasha kubona ingwate,mu gihe bakwa indangamuntu y’umugabo ntibyorohere benshi kuyibona.

Umwe mu bagore agira ati“Twasezeranye mu 1982 ageze muri 2005 aragenda ajya muri Uganda yaraheze ubu amaze imyaka 14 none n’ikibanza bari bakimwanditseho ntacyo nshobora gukora nko kuguza amafaranga nkayo ntabwo bayampa ntafite umugabo unsinyira.

Kandi biransaba na fotokopi y’indangamuntu kandi yaragiye amarangamuntu atarabaho.Icyo nsaba ni uko bampa uburenganzira ku butaka bwanjye”.

Hari bamwe mu bagabo nabo babona bagenzi babo baba barahemukiye imiryango yabo bityo ngo Leta ikwiye kujya yirengagiza uwagiye.

Uyu yagize ati”Niba yenda umugore n’abana barasigaye mu Rwanda hakabaho ko batanga uburenganzira kugira ngo uwo mutungo wababafashe gukora imishinga ibateza imbere aho kugira ngo bategereze uwagiye”.

Aha niho bahera basaba ko leta yagira uburyo iborohereza mu gihe umugabo w’isezerano yataye urugo nkana,hajya hirengangizwa indangamuntu ye mu kugoboka umugore wisezerano n’abana.

Ni ikibazo kizwi n’ubuyobozi bw’umurenge kandi nabwo bugifata nkinzitizi y’iterambere ku baturage babo.Icyakora Kamuhanda Alexandre umukozi w’umurenge wa Bungwe ushinzwe irangamimerere n’ibibazo by’abaturage avuga ko hari ubufasha bahabwa muri ubu buryo agaragaza.

Kamuhanda yagize ati”Icyo gihe azana ingwate iriho icyangombwa cyanditseho umugabo we.Ibyo ni ukugirango tubone ko yasezeranye na wa mugabo.
Icyo ubuyobozi dukora rero,turamufasha tukamubwira ngo kugira ngo ubone inguzanyo shaka undi muntu agutize ingwate hanyuma natwe tugusinyire ko bagutije ingwate hanyuma ujye kuri banki.Hanyuma ujye kuri banki cyangwa kuri SACCO baguhe inguzanyo.

Icyo gihe iyo byagenze gutyo barayimuha.Ariko iyo batabonye icyo cyangombwa cy’uwamutije ingwate kuko uwamubona aje akavuga ngo yaranyibye aba yabahaye ibitari ibyanjye,ya banki ishobora kubihomberamo”.

N’ubwo ntamibare ifatika igaragaza imiterere y’ubuharike muri aka karere ,abenshi mu bagabo bata ingo bakajya gushaka abandi bagore muri Uganda nyamara amasezerano y’ubushyingiranwe bwa mbere agifite agaciro.

Uretse kudindiza iterambere ry’umugore watawe no guhungabanya uburere bw’abana ,Itegeko no 59/2008 ryo kuwa 10/09/2008 rikumira kandi rigahana ihohoterwa iryo ariryo ryose rishingiye ku gitsina,mu ngingo yaryo ya 2 ,igika cya 3,risobanura ubuharike nko kugira amasezerano ya 2 y’ubushyingiranwe ayambere agifite agaciro.

Ingingo ya 246 mu gitabo cy’amategeko ahana ibyaha mu Rwanda iteganya ko umuntu ugira amasezerano y’ubushyingiranwe bwa ka 2 aya mbere agifite agaciro,ahanishwa igihano cy’igifungo kuva kumezi 6 kugeza ku myaka ibiri ,n’ihazabu y’amafaranga kuva ku bihumbi 100 kugeza ku bihumbi 500 cyangwa kimwe gusa muri ibi bihano.ari naho aba bagore basaba ko bafashwa kujya habaho gukurikirana abagabo bakora iki cyaha.

Honore Ishimwe/MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru