Yashyizweho kuri8 March, 2018 | 08:35

Amajyaruguru:Umwanda ukabije w’amabagiro uhangayikishije benshi mu gihe bavuga ko bateye imbere

Ikibazo cyo kutagira amabagiro yujuje ibisabwa mu turere dutandukanye tugize Intara y’amajyaruguru , gihangayikishije abacuruza inyama n’abazihaha, dore ko ziboneka kugiciro bita ko gihanitse ndetse ahandi zikabagirwa ahatujuju ubuziranenge .Guverineri w’iyi ntara akaba asaba abayobozi buturere kwihutisha imirimo y’ahari kubakwa amabagiro ,abandi bagashaka ahakwiyambazwa ariko hadashyira ubuzima bw’abaturage mu kaga .

Ingaruka ziki kibazo zumvikanira mu majwi y’abamwe bagura inyama bagaragazako aho zibagirwa batizeye isuku yaho,ariko bikaba amabura kindi.

Umwe yagize ati”Dupfa guhaha tukarya ubwo ingaruka nyine ni zose!! Ni uko nyine ni ukujya dufata imiti tukivura ntakundi nyine”

Undi yungamo ati”umwanda waturutse mu nka, iyo urebye abakozi babaga uburyo bambaye,uko bameze n’ibikweto bambaye.”

Uretse abaguzi n’abakora ubucuruzi bw’amatungo bavuga ko ari ikibazo kibagoye . uyu ni SHIRIMPUMU JC ahagarariye ishyirahamwe ry’aborozi bingurube mu Rwanda ,atanga urugero ko ntabagiro ryazo wabona mu majyaruguru kimwe na mugenzi we bavuga ko bigira ingaruka ku isoko.

SHIRIMPUMU JC yagize ati”Nk’ubu nanakubwira nti se hari abagiro ryazo wari wabona? Hari umuntu ugenda akiherera hariya wareba uburyo yazibaze, akaza akazigeza k’uwuzicuruza,urumva ko haracyarimo inzira ndende igomba gukosoka n’igiciro kikaba kizwi”.

Iyi suku ikemangwa niyo yatumye ubuyobozi bw’intara y’amajyarugu bufunga ibagiro rya Musanze nirya Base mu karere ka Rulindo ni mugihe akarere ka Burera ko imirimo yo kubaka irya Rugarama iri kugera ku musozo .Guverineri w’intara y’amajyaruguru Honorable Gatabazi JMV agaruka kuri iki kibazo yavuze ko byatewe n’isuku nke,icyakora agasaba ubuyobozi kugishakira umuti wa vuba .

Guverineri w’intara y’amajyaruguru Honorable Gatabazi JMV yagize ati”Byari umwanda twararifunze rero! irindi twafunze ni irya Base ryari ryubatse nabi rifite umwanda rifite n’ibindi bishobora kwangiriza ubuzima bw’abantu hanyuma twafashe icyemezo ko ibagiro rigomba gukoreshwa ari arya Gakenke,ni kure ariko nanone ni hafi.Ubundi akarere kagombye kubaka ibagiro cyangwa gafatanyije n’abacuruzi bakuba ibagiro."

Ikibazo cyo kutagira amabagiro yujuje ibisabwa kizamuwe,mugihe iyi ntara ifite gahunda yo kongera ubworozi buzaba bwiganjemo ubutanga inyama burimo intego yo gufasha urubyiruko korora byibuze ingurube zibarirwa muri miliyoni ,haziyongeraho inkoko n’inkwavu ,bisanga ubworozi bwinka bubarirwa kugipimo cya 90% , busanzwe bukorwa muri iyi ntara ;ibisaba ubuyobozi gushyiramo imbaraga imirimo ikihutishwa,kugirango iki kibazo kitazabangamira ibi byifuzo .

Yanditswe na Ruhumuriza Richard


Tanga igitecyerezo

Amazina
Ubutumwa

Izindi nkuru