Yashyizweho kuri18 October, 2018 | 11:15

Nyurugenge:Abaturage barashinja umuyobozi w’akagari wabyaye akihemba mu mafaranga y’ubwisungane mu kwivuza

Bamwe mu baturage bo mu Kagari ka Ruliba mu Murenge wa Kigali mu Karere ka Nyarugenge, barashinja ubuyobozi kunyereza amafaranga y’ubwisungane mu kwivuza (mituweri).

Muri abo bayobozi bashyira mu majwi umuyobozi w’inama Njyanama y’akagari kabo witwa Nirere Innocent, ngo kuri ubu ari mu mugambi wo kunyereza amafaranga y’ubudehe, nyuma yo gushinjwa kunyereza andi bari barahawe nk’igihembo cy’abesheje imihigo.

Mu byo bamushinza harimo kuba yaroheje abayobozi b’umudugudu wa Tubungo, bakamuha ayo mafaranga bahembwe mu myaka ibiri ishize, akajya kuyihembamo ubwo yari amaze kubyara no kurangiza kwiga.

Hari uwagize ati ”Abayobozi b’umudugudu bayamuhaye barafashwe barafungwa, ariko Nirere wayahawe akajya kwihemba akomeje kwidegembya, ndetse arashaka no gutwara andi y’ubudehe.”

Gusa aba baturage n’ubuyobozi bw’imidugudu ndetse n’akagari, bagaragaza impungenge batewe n’uko amafaranga y’ubudehe arenga miliyoni 2.2 z’amafaranga y’u Rwanda Leta yabahaye, nayo ngo yatangiye gukoreshwa nabi.

Byari biteganyijwe ko buri mudugudu mu yigize ako kagari wagombaga guhabwa amafaranga y’u Rwanda ibihumbi 275, hakavamo ibihumbi mirongo 60 by’amafaranga y’u Rwanda yo gufasha urugo rw’umukene ubabaye kurusha abandi.

Ubwo ayasigaye abaturage n’ubuyobozi bumvikanye ko bakora umuhanda ugana aharimo kubakwa ibiro by’Akagari kabo.

Byabaye ngombwa ko uwo muhanda ukorwa ariko abaturage bakennye bawukoze bavuga ko mu gihe bari bagiye kurangiza imirimo kugira ngo bahembwe, ngo batunguwe no guhagarikwa n’uwo Perezida wa Njyanama y’akagari kabo nta bisobanuro bahawe.

Bavuga ko ibyumweru bibiri bigiye gushira batarabona amafaranga yabo, nyamara ari yo bari kuba barishyuyemo mituelle de santé.

Umuturage wo mu mudugudu wa Tubungo, wanze ko amazina ye avugwa agira ati”Mu rugo mfite abantu barembye kubera kutagira ‘mituweri’, nyamara hari amafaranga y’ubudehe twahawe, ndetse n’ay’igihembo cyacu ibihumbi 500Frw yamaze kuribwa”.

Abayobozi hamwe n’ab’imidugudu bo bavuga ko Nirere Innocent akomeje kwivanga mu mikorere yabo, agafata ibyemezo bidakomotse ku baturage kandi birimo amananiza.

Umwe muri abo bayobozi agira ati ”Uyu mugabo rwose akomeje kutuvangira, abayobozi b’akagari bose bavuye hano bavuga ko bamuruhutse”.

Gusa Nirere Innocent yahakaniye Kigali today ducyesha iyi nkuru, ko nta ruhare yagize mu gukoresha amafaranga y’abaturage mu nyungu ze bwite.

Nirere ati ”Ahubwo abanshinja ibyo, mbamenye nabarega kuko baransebya, iby’ingaruka z’uko abaturage badafite ‘mituelle’ bibazwa umunyamabanga nshingwabikorwa w’akagari, kuko twebwe ibyo dukora ni ugufata imyanzuro”.

Asobanura ko nk’inama njyanama y’akagari, bahagaritse imishinga yo gukora umuhanda kugira ngo babanze bagenzure niba urutonde rw’abagomba gukorera ayo mafaranga y’ubudehe rukozwe neza.

Rutubuka Emmanuel Umunyamabanga nshingwabikorwa w’Umurenge wa Kigali, avuga ko gukora umuhanda byari kubanza kwemezwa n’Inama njyanama y’akagari mbere yo gushyirwa mu bikorwa.

Ati “Abaturage n’abayobozi ntabwo bari bakwiye kwihutira gushyira mu bikorwa ibyo batagiyeho inama na Njyanama ibahagarariye”.

Abo baturage bagaragaza impungenge ko bari abashobora kurembera mu rugo, bikaba byanabaviramo gupfa kubera kubura amafaranga yo kujya kwa muganga, nyamara ngo bagombye kuba barishyuriwe amafaranga y’ubwisungane mu kwivuza.

Ubuyobozi bw’Akagari ka Ruliba buvuga ko kugeza ku itariki 12 Ukwakira 2018 abaturage bari bamaze kwishyura ubwisungane mu kwivuza ari 52%.

Yanditswe na Habarurema Djamali


Tanga igitecyerezo

Amazina
Ubutumwa

5 Comments

- 3 weeks ago

Birababaje kubona abananyamakuru namwe dufata nk’ubutegetsi bwa kane nyuma ya Nyubahirizategeko,Nshingamategeko n’Ubucamanza,mufata inkuru idacukumbuye mutanakurikiranye,mukihutira kuyoherereza imbaga y’abatuye u Rwanda n’isi yose kandi yuzuyemo ibinyoma:

Ubu koko uretse n’umunyamakuru uzi inshingano z’Inama Njyanama n’iza Perezida wayo,hari impamvu yo kuvuga ko Perezida wa Njyanama yakwiba amafaranga y’Ubudehe mu gihe bizwi neza ko muri buri Mudugudu hari Komite irimo abantu batatu bashinzwe konti yayo,kuyabikuza no kuyakoresha iyo bibaye ngombwa?

None se ubwo koko,ko Akagari kabamo abakozi bahoraho babiri naho Abajyanama na Perezida wabo bakaba bahurira ku Kagari inshuro imwe mu kwezi kugira ngo baganire ku bibazo bitandukanye by’Akagari banabifateho imyanzuro izashyirwa mu bikorwa n’Ubunyamabanga Nshingwabikorwa bw’Akagari,kuki ayo mafaranga atahawe Umunyamabanga Nshingwabikorwa w’Akagari cyangwa SEDO bo bakozi bahoraho ku Kagari ari na bo banahaye abo bakozi akazi,agahabwa Perezida wa Njyanama uhagera rimwe mu kwezi?

Amafaranga yo mu Midugudu ibiri yabikujwe iyo uza kuba waracukumbuye inkuru wowe Djamali cg n’undi wese uyikesha uba waramenye neza ko yari mu maboko ya SEDO w’Akagari witwa MUKARUGWIRO Beatrice naho ibindi byo,ni ugusebya Perezida wacu.

Naho kuvuga ko yihembye mu gihembo cy’Umudugudu,ibyo byakumvikana ari uko ari na we wagishyikirijwe kuko mwanditse ngo YARIHEMBYE.Mudashatse gusebanya,ntimukwiye kuvuga ko umuntu utari muri komite y’umudugudu yahawe akanabika igihembo cy’umudugudu kandi hari abayobozi bagera kuri 5 bagize komite nyobozi yawo.iri ni isebanya kabisa.

Kubeshya ngo hari abafunzwe nanjye ntuye muri Ruliba,nta wigeze afungirwa ayo mafaranga kuko nyuma y’aho Hon.Senateur Tite Rutaremera aviriye mu Murenge wa Kigali kudusura akagezwaho icyo kibazo nuko maze agasaba ko gikurikiranwa n’inzego zose bireba abo bayobozi bakeguzwa bakanasabwa kugarura amafaranga bari bagabanye,bane muri 5 bagaruye ayo bavugaga ko bajyanye bayashyira kuri konti y’umudugudu,hasigara uruhare rw’umwe muri 5 witwa KIMONYO wari ufunze ku bwo gukekwaho icyaha cya ruswa. None se,kuba uwo kimonyo yarafunzwe kubera icyaha cya ruswa yakekwagaho,tubibatize ko bose uko ari batanu bafunze kugeza ubu kubera igihembo cy’Umudugudu?

Wa munyamakuru we,wagerageje koko kuzajya uva mu Bureau ugaharanira kwigerera kuri terrain kugira ngo utange kandi utangaze inkuru ziri well done kandi zafasha abantu bazisoma kuko njye numva ari ko kunoza neza umwuga wanyu?

Yemwe ngaho nimukomeze mugire icyumweru cyiza!

- 3 weeks ago

Birababaje kubona abananyamakuru namwe dufata nk’ubutegetsi bwa kane nyuma ya Nyubahirizategeko,Nshingamategeko n’Ubucamanza,mufata inkuru idacukumbuye mutanakurikiranye,mukihutira kuyoherereza imbaga y’abatuye u Rwanda n’isi yose kandi yuzuyemo ibinyoma:

Ubu koko uretse n’umunyamakuru uzi inshingano z’Inama Njyanama n’iza Perezida wayo,hari impamvu yo kuvuga ko Perezida wa Njyanama yakwiba amafaranga y’Ubudehe mu gihe bizwi neza ko muri buri Mudugudu hari Komite irimo abantu batatu bashinzwe konti yayo,kuyabikuza no kuyakoresha iyo bibaye ngombwa?

None se ubwo koko,ko Akagari kabamo abakozi bahoraho babiri naho Abajyanama na Perezida wabo bakaba bahurira ku Kagari inshuro imwe mu kwezi kugira ngo baganire ku bibazo bitandukanye by’Akagari banabifateho imyanzuro izashyirwa mu bikorwa n’Ubunyamabanga Nshingwabikorwa bw’Akagari,kuki ayo mafaranga atahawe Umunyamabanga Nshingwabikorwa w’Akagari cyangwa SEDO bo bakozi bahoraho ku Kagari ari na bo banahaye abo bakozi akazi,agahabwa Perezida wa Njyanama uhagera rimwe mu kwezi?

Amafaranga yo mu Midugudu ibiri yabikujwe iyo uza kuba waracukumbuye inkuru wowe Djamali cg n’undi wese uyikesha uba waramenye neza ko yari mu maboko ya SEDO w’Akagari witwa MUKARUGWIRO Beatrice naho ibindi byo,ni ugusebya Perezida wacu.

Naho kuvuga ko yihembye mu gihembo cy’Umudugudu,ibyo byakumvikana ari uko ari na we wagishyikirijwe kuko mwanditse ngo YARIHEMBYE.Mudashatse gusebanya,ntimukwiye kuvuga ko umuntu utari muri komite y’umudugudu yahawe akanabika igihembo cy’umudugudu kandi hari abayobozi bagera kuri 5 bagize komite nyobozi yawo.iri ni isebanya kabisa.

Kubeshya ngo hari abafunzwe nanjye ntuye muri Ruliba,nta wigeze afungirwa ayo mafaranga kuko nyuma y’aho Hon.Senateur Tite Rutaremera aviriye mu Murenge wa Kigali kudusura akagezwaho icyo kibazo nuko maze agasaba ko gikurikiranwa n’inzego zose bireba abo bayobozi bakeguzwa bakanasabwa kugarura amafaranga bari bagabanye,bane muri 5 bagaruye ayo bavugaga ko bajyanye bayashyira kuri konti y’umudugudu,hasigara uruhare rw’umwe muri 5 witwa KIMONYO wari ufunze ku bwo gukekwaho icyaha cya ruswa. None se,kuba uwo kimonyo yarafunzwe kubera icyaha cya ruswa yakekwagaho,tubibatize ko bose uko ari batanu bafunze kugeza ubu kubera igihembo cy’Umudugudu?

Wa munyamakuru we,wagerageje koko kuzajya uva mu Bureau ugaharanira kwigerera kuri terrain kugira ngo utange kandi utangaze inkuru ziri well done kandi zafasha abantu bazisoma kuko njye numva ari ko kunoza neza umwuga wanyu?

Yemwe ngaho nimukomeze mugire icyumweru cyiza!

alias - 3 weeks ago

Birababaje kubona abananyamakuru namwe dufata nk’ubutegetsi bwa kane nyuma ya Nyubahirizategeko,Nshingamategeko n’Ubucamanza,mufata inkuru idacukumbuye mutanakurikiranye,mukihutira kuyoherereza imbaga y’abatuye u Rwanda n’isi yose kandi yuzuyemo ibinyoma:

Ubu koko uretse n’umunyamakuru uzi inshingano z’Inama Njyanama n’iza Perezida wayo,hari impamvu yo kuvuga ko Perezida wa Njyanama yakwiba amafaranga y’Ubudehe mu gihe bizwi neza ko muri buri Mudugudu hari Komite irimo abantu batatu bashinzwe konti yayo,kuyabikuza no kuyakoresha iyo bibaye ngombwa?

None se ubwo koko,ko Akagari kabamo abakozi bahoraho babiri naho Abajyanama na Perezida wabo bakaba bahurira ku Kagari inshuro imwe mu kwezi kugira ngo baganire ku bibazo bitandukanye by’Akagari banabifateho imyanzuro izashyirwa mu bikorwa n’Ubunyamabanga Nshingwabikorwa bw’Akagari,kuki ayo mafaranga atahawe Umunyamabanga Nshingwabikorwa w’Akagari cyangwa SEDO bo bakozi bahoraho ku Kagari ari na bo banahaye abo bakozi akazi,agahabwa Perezida wa Njyanama uhagera rimwe mu kwezi?

Amafaranga yo mu Midugudu ibiri yabikujwe iyo uza kuba waracukumbuye inkuru wowe Djamali cg n’undi wese uyikesha uba waramenye neza ko yari mu maboko ya SEDO w’Akagari witwa MUKARUGWIRO Beatrice naho ibindi byo,ni ugusebya Perezida wacu.

Naho kuvuga ko yihembye mu gihembo cy’Umudugudu,ibyo byakumvikana ari uko ari na we wagishyikirijwe kuko mwanditse ngo YARIHEMBYE.Mudashatse gusebanya,ntimukwiye kuvuga ko umuntu utari muri komite y’umudugudu yahawe akanabika igihembo cy’umudugudu kandi hari abayobozi bagera kuri 5 bagize komite nyobozi yawo.iri ni isebanya kabisa.

Kubeshya ngo hari abafunzwe nanjye ntuye muri Ruliba,nta wigeze afungirwa ayo mafaranga kuko nyuma y’aho Hon.Senateur Tite Rutaremera aviriye mu Murenge wa Kigali kudusura akagezwaho icyo kibazo nuko maze agasaba ko gikurikiranwa n’inzego zose bireba abo bayobozi bakeguzwa bakanasabwa kugarura amafaranga bari bagabanye,bane muri 5 bagaruye ayo bavugaga ko bajyanye bayashyira kuri konti y’umudugudu,hasigara uruhare rw’umwe muri 5 witwa KIMONYO wari ufunze ku bwo gukekwaho icyaha cya ruswa. None se,kuba uwo kimonyo yarafunzwe kubera icyaha cya ruswa yakekwagaho,tubibatize ko bose uko ari batanu bafunze kugeza ubu kubera igihembo cy’Umudugudu?

Wa munyamakuru we,wagerageje koko kuzajya uva mu Bureau ugaharanira kwigerera kuri terrain kugira ngo utange kandi utangaze inkuru ziri well done kandi zafasha abantu bazisoma kuko njye numva ari ko kunoza neza umwuga wanyu?

Yemwe ngaho nimukomeze mugire icyumweru cyiza!

Munezero - 4 weeks ago

Hhhhhh!!! uyu mu gitifu ameze nk’uwiwacu kirehe usibye ko yari umugabo ariko we yahabwaga amafaranga akayajyana kuyushyura ushuri muri unatek ugasanga amuburiyeho.Naho uriya mugabo wo muri njyanama yerekubeshya ko ntaho umuyobozi wo muri njyanama ahurira namafaranga kuko aba hafi ya gitifu kdi ahanini aba axiranye cyane nabamudugudu Bose kuko ariho akenshi aba yarakuranye nabo.

Gusa mbonye mugenzi wanjye arakaye wasanga ariwe wayariye kuko anazina arahwanye ikindi ntamuyobozi uri mumakosa wishimira umunyamakuru turabizi niyo mpamvu muturenganya.

Banyamakuru ntimugacibwe intege nabo barusahurira mundyru batunyunyuza imitsi twavuga bakadufunga ahubwo muzaze i naha I mahama baraturembeje ifumberi twagenewe barayimaze bayihera abakire.

Nirere Innocent - 4 weeks ago

Mbese ubwo waba uri Umunyamakuru w ’Umwuga cg upfa kwitarira no kwitangariza bya hutihuti n’uko wiboneye?

Wari ukwiye kuzajya ubanza ugasuzuma kandi ugacukumbura inkuru uha abasomyi bawe mbere yo kuzohereza. Naho ubundi, nta kintu urimo ufasha abagukurikirana.

Ubundi se, waba uzi ahantu Umujyanama yaba ahurira n’amafaranga y’umudugudu CT n’ay’ubudehe?
Be serious my dear!

Izindi nkuru

Inkuru zikunzwe