Yashyizweho kuri30 October, 2018 | 09:36

Umutoza wa Real Madrid yeretswe umuryango usohoka muri iyi kipe

Real Madrid yatandukanye n’uwaro umutoza wayo Umunya-Espagne, Julen Lopetegui, nyuma yo kunyagirwa na mukeba FC Barcelona mu mpera z’icyumweru gishize.

Uyu mutoza w’imyaka 52 yari yahawe akazi tariki 1 Nyakanga 2018 avuye mu ikipe y’igihugu ya Espagne yiteguraga igikombe cy’isi, asabwa gusimbura Zinedine Zidane akegukana ibikombe bitandukanye iyi kipe yegukanye UEFA Champions League iheruka iri guhatanira.

Ntabwo yatangiye neza kuko imikino yatsinze n’iyo yatsinzwe birangana. Mu mikino 14 yamaze atoza Real Madrid yatsinzemo itandatu, atsindwamo itandatu anganya ibiri. Ikipe ye yinjije ibitego 21 ariko nayo yinjizwa ibitego 20.

Muri iyi harimo n’umukino wa shampiyona baheruka kunyagirwamo na FC Barcelona ibitego 5-1 kandi idafite kabuhariwe wayo Lionel Messi.

Uyu musaruro utari mwiza niwo watumye uyu mutoza yerekwa umuryango n’inama y’abayobozi ya Real Madrid yateranye kuri uyu wa mbere iyobowe na Florentino Pérez Rodríguez, umuyobozi mukuru w’iyi kipe.

Kuri ubu Real Madrid igiye kuba itozwa na umunya-Argentina Santiago Hernán Solari Poggio usanzwe atoza ikipe y’ingimbi ‘Real Madrid Castilla’.Akaba kandi yarakiniye Real Madrid kuva 2000 kugera 2005.

Yanditswe na Habarurema Djamali


Tanga igitecyerezo

Amazina
Ubutumwa

2 Comments

Jonas - 2 weeks ago

ikindi naco abakinyi bumugwi wa real bararushe kuk baramaze igihe kitari gito yandikisha amateka niyompa nohumuriza abakunzi ba real

jonas - 2 weeks ago

igituma real itsindwa keshi biva kukutagura abakinyi bakomakomeye namwe nkabafanzi buyu mugwi tubibona kumwe?

Izindi nkuru