Yashyizweho kuri18 November, 2018 | 22:01

Umutoza Ljupko Petrović wari umaze gufatisha muri APR FC yamaze kwandika asezera gutoza iyi kipe

Umutoza w’ikipe y’ingabo z’igihugu APR FC,Ljubomir "Ljupko" Petrović,umunya-Serbia w’imyaka 71 yamaze kwandika ibaruwa yo gusezera mu kazi ko gutoza iyi kipe yar’amaze kumenyeramo.

Petrovic wageze mu Rwanda mu ntangiriro z’uyu mwaka,yamaze kwandikira ubuyobozi bwa APR FC abumenyesha ko atagishoboye gukomeza akazi ko gutoza iyi kipe nyuma y’uko igihe yari amaze ayitoza yayihesheje igikombe cya shampiyona mu mwaka w’imikino ushize wa 2017/2018 .

Dr Petrovic yari atezwe amaso n’abakunzi ba APR FC ko azabafasha kugera kure mu mikino nyafurika bagiye kwitabira vuba aha ariko ubuzima bwe ntibwamukundiye gukomezanya nayo muri urwo rugendo bafitiye umujinya n’inyota nyuma y’uko mucyeba wayo Rayon Sport yarugiriyemo ibihe byiza.

Mu ibaruwa yandikiye ubuyobozi bw’iyi kipe uyu mutoza yagize ati “Nyuma y’ibizamini nafashwe n’abaganga,bambwiye ko niba nifuza gukomeza kubaho neza nahagarika akazi ko gutoza.Iki nicyo gihe kinkomereye mu buzima bwanjye kuko nabujijwe gukora ibyo nkunda.Ndababaye kuba ndakomeje gutoza APR FC.Nshimiye abantu bose twakoranye kandi APR FC izampora ku mutima.

Dr Petrovic wahesheje APR FC shampiyona y’ubushize ndetse n’igikombe cya Super Cup, akayigarurira umukino mwiza none akaba atunguye abakunzi bayo kuko ayisize ku mwanya wa mbere wa shampiyona by’agateganyo nyuma y’imikino 5 yose yari imaze gukina idatsindwa cyangwa ngo inganye.

Nyuma yo gutsinda Etincelles FC,Petrovic yasubiye iwabo muri Serbia kwivuza none birangiye afashe umwanzuro wo kutazagaruka gutoza iyi kipe kubera uburwayi.

Uyu mukambwe agiye ayisize ku mwanya wa mbere wa shampiyona by’agatenyo aho yatsinze imikino 5 yose itsinda ibitego 2-0 buri mukino

Yanditswe na Habarurema Djamali


Tanga igitecyerezo

Amazina
Ubutumwa

Izindi nkuru