Yashyizweho kuri15 May, 2017 | 06:02

Police FC muri kimwe cya kane cy’igikombe cy’Amahoro

Ikipe ya Police FC yabonye itike yo gukina icyiciro gikurikiyeho aricyo kimwe cya kane cy’irangiza mu mikino y’igikombe cy’amahoro.

Ni nyuma y’umukino wo kwishyura yanganyijemo igitego kimwe kuri kimwe na Gicumbi FC ubwo bakiniraga I Gicumbi kuri uyu wa gatandatu taliki ya 13 Gicurasi; igitego cyatsinzwe na Danny Usengimana ku munota wa 12 w’igice cya mbere, mu gihe cyishyuwe ku munota wa 3 w’igice cya kabiri ari nako umukino waje kurangira.

Nyuma y’uyu mukino, Police FC ikaba yakatishije itike ya ¼ cy’irangiza kuko; mu mukino ubanza Police FC yari yatsinze 2-0 ; ikaba yakomeje mu cyiciro gikurikiyeho ku bitego 3 kuri 1 mu mikino yombi.

CIP Jean de Dieu Mayira, umuvugizi wa Police FC yavuze ko n’ubwo ikibuga kitari kimeze neza ariko abakinnyi ba Police FC bagaragaje umurava n’imbaraga mu mukino wose kandi bageze ku ntego yabo.

Yagize ati:” Icyari kigamijwe ni ugukuramo iyi kipe tugakomeza mu cyiciro gikurikiyeyo, turashimira abakinnyi n’ubuyobozi bw’ikipe .”

Muri kimwe cya kane cy’irangiza, Police FC ikaba izahura na Rayon Sport .

CIP Mayira yashoje avuga ko nyuma y’uyu mukino Police FC igiye gukomeza imyitozo yitegura imikino ya shampiyona dore ko izakomeza muri iki cyumweru aho kuwa gatanu taliki 19 isasura Sunrise I Nyagatare.

Yanditswe na Niyomugabo Robert/Muhabura.rw


Tanga igitecyerezo

Amazina
Ubutumwa

Izindi nkuru

Inkuru zikunzwe