Yashyizweho kuri21 December, 2016 | 08:00

Nyuma y’imyaka itatu Rayon Sport imwifuje, Mugabo Gabriel birangiye ayisinyiye imyaka ibiri

Nyuma y’uko kuwa 21 Ukwakira 2016 Police FC yari yahagaritse by’agateganyo abakinnyi batatu; rutahizamu Muganza Isaac na ba myugariro Hertier Turatsinze na Mugabo Gabriel, byaje kurangira umutoza Seninga Innocent avuganye n’ubuyobozi bw’iyo kipe maze umwanzuro ubaye kubirukana burunda. Ikipe ya Rayon Sport ifite ikibazo uri ba mygariro, yaje guhita ibyungukiramo isinyisha Mugabo Gabriel amasezerano y’imyaka ibiri nyuma y’uko bari baramwifuje ariko Police ikamujyana.

Kuri uyu wa 20 Ugushyingo, mu masaya y’igicamunsi, Mugabo Gabriel wahoze akinira Police FC, ni ho yasinyiye Rayon Sports FC amasezerano y’imyaka ibiri.

Mugabo Gabriel yamenyekenye cyane ubwo yakinaga muri Mukura VS ahagana muri 2013, yari umwe muri ba myugariro beza mu gihugu, ndetse ahita anahamagarwa mu ikipe y’igihugu ari na cyo gihe Rayon Sport yamushakaga.

Kuri ubu yasinyanye amasezerano na Perezida wa Rayon Sports FC Gacinya Chance Dennis.

Uyu mukinnyi, Mugabo yirukanwe n’ikipe ya Police FC ashinjwa umusaruro mucye no kugandisha abakinnyi bagenzi be. Gusa, we agahakana ko atabuze umusaruro kuko atakinishwaga. N’ubwo yasinye azatangira gukina mu kwazi kwa mbwre 2017, aho azafasha umutoza Masudi Djuma mu bwugarizi bwa Rayon Sports bwugarijwe n’imvune nyinshi muri iyi minsi.

Yanditswe na Lucky van Rukundo/Muhabura.rw


Tanga igitecyerezo

Amazina
Ubutumwa

Izindi nkuru

Inkuru zikunzwe