Yashyizweho kuri13 January, 2020 | 08:55

Nta n’umwe wasezereye Sugira ahubwo yasezerewe n’ikibuga-Umutoza wa APR FC

Umutoza wa APR FC, Mohammed Adil Erradi, yavuze ko yaba we ndetse n’ubuyobozi bw’ikipe nta n’umwe wasezereye Sugira Ernest ahubwo yasezerewe n’ikibuga.

Mu Kwakira 2019, rutahizamu Sugira Ernest yaje guhanwa n’iyi kipe ashinjwa imyitwarire mibi irimo no kutumva inama z’umutoza, yahanishijwe gukorera imyitozo mu bato b’iyi kipe amezi 2.

Nyuma yo gusoza igihano cye ntabwo yigeze agarurwa mu ikipe ahubwo tariki ya 30 Ukuboza 2019 ubuyobozi bwa APR FC bwatangaje ko bwamutije muri Rayon Sports.

Nyuma y’umukino yaraye atsinzemo ikipe ya Bugesera FC, umutoza wa APR FC abajijwe ni ba ari we wafashe umwanzuro wo gusezerera Sugira cyangwa ari ubuyobozi, yavuze ko Sugira yasezerewe n’ikibuga nta kindi.

Yagize ati“uyu munsi umupira ni wo wifatira ibyemezo, ntabwo ari njye nta n’ubwo ari ubuyobozi ahubwo ni ikibuga, dufite Mugunga aratsinda, hari Nshuti na Danny batsinda, ni umupira w’amaguru wifatira ibyemezo, si njye cyangwa ubuyobozi, Sugira yabonye amahirwe ntiyayakoresha kuko ni we watangiye ari rutahizamu nimero ya mbere w’ikipe.”

JPEG - 38.9 kb
Sugira Enrest watijwe muri Rayon Sports mu gihe cy’amezi 6, amaze gukinira iyi kipe imikino ibiri aho yayitsindiye igitego 1.

Muhabura.rw


Tanga igitecyerezo

Ibitekerezo


Tanga igitekerezo


Izindi nkuru