Yashyizweho kuri2 September, 2019 | 14:09

Ngezi Issa wakiniye Amavubi akanagirira ibihe byiza mu ikipe ya ATRACO FC yitabye Imana

Ngezi Issa w’imyaka 63 wakiniye ikipe y’Igihugu Amavubi akanayobora ikipe ya ATRACO yitabye Imana azize uburwayi.

Mu ijoro ryo ku Cyumweru rishyira kuri uyu wa Mbere tariki ya 2 Nzeri 2019, nibwo Ngezi Issa yashizemo umwuka.

Ngezi asize abana bane barimo umuhungu umwe n’abakobwa batatu. Yamenyekanye cyane ubwo yari umukinnyi w’umupira w’amaguru.

Yakiniye amakipe atandukanye yo mu Rwanda mbere ya Jenoside yakorewe abatutsi arimo ikipe yitwaga Terminus zari iza MAGERWA, Ikipe y’igihugu Amavubi na Kiyovu Sports yaje gusorezamo umupira w’amaguru.

Uyu mugabo nyuma ya Jenoside yakorewe abatutsi mu 1994 yaje kuyobora ikipe y’abashoferi yitwaga ATRACO aza no kugira ibihe byiza ubwo yari umuyobozi wungirije w’iyi yatwaye igikombe cya CECAFA cy’amakipe mu 2009 itsinze Al Merrikh iri iwayo muri Sudan.

Kuri ubu Issa Ngeze ubu yari umukozi w’ikipe ya Police FC.

Umuhango wo gusengera Ngezi urabera ku musigiti wo kwa Khadafi ndetse biteganyijwe ko nyuma y’isengesho rya saa Cyenda n’igice umurambo we ujya gushyingurwa mu irimbi ryo mu Rugarama i Nyamirambo.

Chief Editor/MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru

Inkuru zikunzwe