Yashyizweho kuri2 July, 2019 | 12:32

’Kumena ibanga’ by’umwe mu bayobozi ba Rayon Sports byatumye Manishimwe Djabel adakinira Gor Mahia

Manishimwe Djabel,umukinnyi mushya byemewe n’amategeko wa APR FC, yavuze ko kuba atarakiniye Gor Mahia yamwifuzaga byishwe n’umwe mu bayobozi ba Rayon Sports batubahirije ibyo Gor Mahia yari yumvikanye na bo kugira ngo uyu mukinnyi abone amahirwe yo kujya gukina hanze y’u Rwanda.

Ibi yabitangarije itangazamakuru nyuma y’imyitozo ye ya mbere muri APR FC kuri uyu wa Mbere, mu gihe hari hashize umunsi umwe ikipe yahoze akinira ya Rayon Sports itangaje ko yamaze kumvikana na Gor Mahia ku bihumbi $30 kuri uyu mukinnyi.

Abajijwe uburyo byagenze kugira ngo yisange muri APR FC kandi we na Rayon Sports bari batangaje ko bumvikanye na Gor Mahia, Manishimwe Djabel yavuze ko byasaga n’ibyarangiye ariko byicwa n’umwe mu bayobozi ba Rayon Sports.

Ati”Rayon Sports yangurishije Gor Mahia, ni njye wari usigaye kumvikana na Gor Mahia, yari yabaciye ibihumbi $9 njye bagomba kumpa ibihumbi $21 n’umushahara w’ibihumbi $3000, tujya gusinyana twari kumwe n’umuntu ushinzwe kugura no kugurisha abakinnyi muri Rayon Sports witwa Sadati [Munyakazi], Umunyamabanga wa Gor Mahia amubwira ko atagomba gushyira amakuru yanjye na bo hanze."

Yakomeje avuga ko nyuma yo kumvikana ko aya makuru adasohoka, nta mwanya munini waciyemo, amafoto ajya hanze kandi bikaba bitarashimishije Umuyobizi wa Gor Mahia.

Ati" Tukimara gusinya yadusabye ko yadufotora amafoto akaba ayabitse akazayasohora ari uko byarangiye, tugisohoka hashize iminota itanu tubona amafoto yageze hanze ndi kumwe n’Umunyamabanga Mukuru biramubabaza cyane."

Manishimwe avuga ko nyuma y’uko aya makuru agiye hanze, byamubujije amahirwe yo kuba yasinyira iyi kipe yo muri Kenya kuko hari n’undi mukinnyi wo muri Uganda yifuzaga.

Ati"Rayon Sports yashyize hanze ibyanjye na Gor Mahia bitararangira ni yo yabyishe, ubundi impamvu banshakaga cyane hari umukinnyi w’Umugande ukina ku mwanya wanjye bashakaga ko njya gusimbura we yashakaga kugenda ariko abyumvishe umuhagarariye aca inyuma ajya kuvugana na Gor Mahia bamwongerera amasezerano Umunyamabanga Mukuru atabizi akiri mu Rwanda."

APR FC yerekanye abakinnyi icyenda bashya barimo Manishimwe Djabel, Niyonzima Olivier ‘Sefu’ na Manzi Thierry, Mutsinzi Ange,abanyezamu (Ahishakiye Hertier na umunyezamu Rwabugiri Omar),myugariro Niyigena Clément na Nkomezi Alexis .

Niyomugabo Albert/MUHABURA.RW


Tanga igitecyerezo

Ibitekerezo


Tanga igitekerezo


1 Comment

dieudonne - 4 months ago

Ndabashimira kunkuru nziza muduha

Izindi nkuru