Yashyizweho kuri27 July, 2019 | 16:59

KNC yarahiriye guhindura isura ya Shapiyona y’ikiciro cya mbere ku buryo bugaragarira buri wese

Umuyobozi w’ikipe ya Gasogi United Kakoza Nkuriza Charles abenshi bazi nka KNC yatangaje ko isura ya Chapiyona y’ikiciro cya mbere mu Rwanda ije guhinduka ku buryo bugaragarira buri wese aho avuga ko uguhangana kw’amakipe abiri akomeye mu Rwanda hagiyemo n’iye.

Nyuma y’umukino wa Gasogi United KNC abereye umuyobozi na Sorwathe ,uyu mugabo utajya aripfana yabwiye itangazamakuru ko abari bazi uguhangana hagati ya Rayon Sports na APR FC gusa,bitege ukundi guhangana gukomeye hagati y’ayo makipe y’ubukombe mu Rwanda na Gasogi United.

Yagize ati"Tuje guhindura imiterere ya Derby(uguhangana) yo mu Rwanda.Ubu hari harimo derby ya Rayon Sports na APR FC nibongeremo na derby ya Gasogi na Rayon Sports ndetse na derby ya Gasogi na APR FC".

Avuga kandi ko ikintu bishimiye ari uko bagiye gukina irushanwa ririmo amakipe meza akomeye nka Rayon Sports na APR FC kuko ngo irushanwa ritaba ririmo ayo makipe nta rushanwa ryaba ririmo.

Ati "Irushanwa ritarimo Rayon Sports,ritarimo APR FC,ritarimo Mukura VS birutwa no kutarijyamo.Niyo mpamvu twifuzaga ko amakipe nk’ayo dukomeza buri mukino ukaba uguhangana abantu bakishima nk’uko ubonye abantu bari bishimye".

Ubwo bakinaga imikino yo kwishyura yakinwe ku wa gatatu tariki 24 Nyakanga, Gasogi United yo yanganyije na Sorwathe 1-1,kandi mu mukino ubanza yari yatsinze Sorwathe i Kinihira 1-0 ubwo kuko igiteranyo k’ibitego byatsinzwe mu mikino ibiri ni 2-1 bityo biyiha amahirwe yo gukomeza.

Ku rundi ruhande Etoile de l’Est yari yiteguye kuzakinira imikino ya champiyona y’ikiciro cya mbere iri ku kibuga cyayo gishya,ariko ntabwo yagize amahirwe kuko yatsinze ibitego Heroes FC 3-1 mu gihe umukino ubanza Etoire de l’Est yari yatsinzwe 2-0, bituma igitego cyo hanze cya Heroes FC kiyizamura.

Gasogi United na Heroes FC kuri uyu wa gatandatu tariki 27 Nyakanga kuri Stade ya Kigali ziri gukina umukino wa nyuma wo guhatanira igikombe cyo mu kiciro cya kabiri.

Aya makipe kandi azasimbura Amagaju FC na Kirehe FC zamanutse umwaka ushize w’imikino.

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


1 Comment

ishimwe shalon - 4 weeks ago

hhhhhhhh!! uyu mugabo njyewe aranshimisha uburyo yihagararaho kbsa gusa ni umuhanga pe kuko ibye abikora afite confidence.sha niyabona amaze imyaka ibiri muri division ya mbere azaba ashoboye ariko hari ighe yamara nigihe da niyashora ibifaranga mu basifuzi no muri ferwafa!!!!!!!!!!

Izindi nkuru

Inkuru zikunzwe