Yashyizweho kuri27 June, 2019 | 19:59

½ cy’Igikombe cy’Amahoro: Kiyovu Sports yatsinze Polisi FC itayibabariye

Kuri uyu wa Kane Kiyovu Sports yansinze Polisi FC itayibabariye ibitego 2-0 mu mukino ubanza wa ½ cy’Igikombe cy’Amahoro.

Kiyovu yabonye intsinzi iturutse kuri Habamahoro Vincent na Ghislain Armel batsinze ibitego byombi byabonetse mu gice cya kabiri .

Kiyovu yihariye iminota 20 yambere ibanza, ibona uburyo bukomeye itabashije kubyazwa amahirwe na Babicka wananiwe gutera umupira wahinduwe na Jean Paul nyuma y’iminota 3 umukino utangiye.

Polisi FC yabonye amahirwe yambere yaganaga ku izamu ku mupira watewe na Ndayishimiye Dominique ku munota wa 22 abangamirwa bikomeye na Rwabuhihi Aimé Placide mu gihe yahushije uburyo bwiza ku mupira wa Osée ugarurwa na Djihad habura iminota 3 ngo amakipe yombi ajye kuruhuka.

Polisi FC yatangiye igice cya kabiri isatira Kiyovu Sports. Ubwo Songa Isaie yateye ishoti riremereye nyuma y’iminota 4, rikurwamo na Nzeyurwanda maze umupira ugaruka kuri Hakizimana Kevin wateye irindi ishoti rigaca hejuru y’izamu.

Kiyovu Sports yafunguye amazamu ku munota wa 58 ku gitego cyatsinzwe na Habamahoro Vincent n’umutwe ku mupira w’umuterekano wari umaze guterwa na Kalisa Rashid.

Umutoza wa Polisi FC, Nshimiyimana Maurice Maso, yakoze impinduka ebyiri mbere y’umunota wa 70, Iyabivuze Osée na Hakizimana Kevin basimburwa na Uwimbabazi Jean Paul na Peter Otema.

Nyuma y’iminota ine, Kiyovu Sports yabonye penaliti ku ikosa Mitima Isaac yakoreye kuri Nizeyimana Djuma mu rubuga rw’amahina ndetse uyu rutahizamu ahita asimburwa na Nsanzimfura Keddy kuko yababaye cyane akurwa mu kibuga .

JPEG - 255.3 kb
Kiyovu Sports yatsinze Polisi FC itayibabariye

Dore urutonde rwa bakinnyi babanje mu kibuga

Polisi FC: Bwanakweri Emmanuel, Ngendahimana Eric, Ishimwe Issa, Ndayishimiye Celestin, Hakizimana Issa, Mitima Isaac, Iyabivuze Osée, Ndayisaba Hamidou, Songa Isaie, Hakizimana Kevin na Ndayishimiye Antoine Dominique.

Kiyovu Sports: Nzeyurwanada Djihad, Serumogo Ally, Ahoyikuye Jean Paul, Karera Hassan, Rwabuhihi Aime Placide, Kalisa Rachid, Bonane Janvier, Nizeyimana Djuma, Shavy Babicka na Armel Ghislain.

Salongo /MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru