Yashyizweho kuri20 July, 2019 | 20:49

Bidasubirwaho Robertinho agiye kongera amasezerano yo gutoza Rayon Sports

Umunya-Bresil umutoza Goncalves Del Carmo uzwi nka Robertinho nyuma y’igihe cy’ukwezi aganira na Rayon sports ku masezerano mashya bikarangira batumvikanye bagahitamo kuzana umutoza w’agateganyo watoje CECAFA KAGAME Cup agiye kongera amasezerano y’umwaka muri iyi kipe.

Iki cyemezo kije nyuma y’uko umutoza wari wamusimbuye ariwe Olivier Mathurin Ovambe Ovambe atabashije kugira umusaruro mwiza mu gikombe cya CECAFA Kagame cup aho iyi kipe yasezerewe muri 1/4

Mu byo Robertinho uherutse gutangariza KT Sports ni uko yavugaga ko atazi neza icyabaye hagati ye na Rayon Sports ku masezerano bari bagiranye mu mvugo ndetse ko atigeze avugana na APR FC nkuko bamwe babikekaga ubu yamaze guhabwa amasezerano y’umwaka.

Biteganijwe ko azagera mu Rwanda mu cyumweru gitaha ku munsi wa kabiri agakomeza gutoza iyi kipe.

Andi makuru aravuga ko Robertinho nyuma yo kugera mu Rwanda agashyira umukono ku masezerano mashya, hazakurikiraho kuza kw’abakinnyi babiri b’abanyaBrazil yarambagije ubwo yari muri Brazil.

Aba bakinnyi b’abanyaBrazil bazaza umwe akina nka rutahizamu undi akina hagati mu kibuga.

Uyu mutoza wongereye amasezerano muri Rayon Sports azwiho kuba yari yarigaruriye imitima y’abafana ba Gikundiro bitewe n’umusaruro yagaragaje umwaka ushize w’imikino aho yahaye iyi kipe ibikombe bitatu birimo igikombe cya shampiyona, igikombe cy’agaciro n’igikombe cy’intwali.

Chief Editor/MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru