Yashyizweho kuri15 October, 2018 | 20:40

Bamwe mu bakinnyi b’ikipe y’igihugu Amavubi basigaye batinya gushyira amafoto ku mbuga nkoranyambaga

Bamwe mu bafana b’ikipe y’Igihugu ‘Amavubi’ batangiye kwifuza ko Kapiteni wayo Niyonzima Haruna, asezera muri iyi kipe kuko ngo ashaje, kuburyo asigaye atinya no gushyira ifoto ye ku mbuga nkoranyambaga ngo adatukwa.

Mu kiganiro n’abanyamakuru mbere y’umukino u Rwanda ruzakina na Guinea-Conakry kuri uyu wa Kabiri, Niyonzima yongeye kubazwa ku byo yatangaje ko azasezera mu 2018, amaze guhesha u Rwanda itike ya CAN.

Yahakanye aya makuru yo gusezera mu ikipe y’igihugu ahubwo asaba abamwifuriza kumanika urukweto ko babyibagirwa.Ahubwo ngo asigaye atinya no gushyira ifoto ye kuri instagram.

Niyonzima ati “Abanyifuriza gusezera rero rwose ntabwo ari vuba. Nabonye nsigaye nanashyira ifoto kuri ‘Instagram’ bikaba ikibazo abantu bakambwira nabi kandi ari urukuta rwanjye aho nemerewe gushyiraho ifoto nshaka”.

Yakomeje agira ati “Mbona abantu bose bifuza ko njye ndeka umupira ariko igihe ndimo nicyo gihe numva nshaka gukina kurushaho. Twagize amahirwe yo kuzamuka tukiri bato ariko imyaka bankekaho siyo mfite”.

Kuri we aracyemeza ko abona we n’abandi bakinnyi bafite inararibonye nka Mugiraneza Jean Baptiste na Iranzi Jean Claude bakwiye gukomeza guhabwa umwanya mu ikipe y’igihugu kuko bakina neza nubwo umusaruro utaraboneka.

Gusa ibi ntabwo yabihuza n’abakunzi b’Amavubi bakomeje gushengurwa no kutitwara neza kw’iyi kipe mu mikino itandukanyo ariko imbarutso ya byose ikaba umukino uheruka kuyihuza na Guinea-Conakry aho bashyira mu majwi aba bagabo batatu ko bashaje bakwiriye kureka abakiri bato bagakina.

Kuwa 2 Kamena 2007, Niyonzima yakinnye umukino wa mbere mu ikipe y’igihugu ubwo yatsindaga Guinée équatoriale, mu mikino yo gushaka itike y’igikombe cy’Isi cyabereye muri Afurika y’epfo muri 2010.Kuri ubu amaze gukinira Amavubi imikino igera kuri 70, yayitsindiye ibitego bitanu.

Abakinnyi b’Amavubi bakoze umyitozo bitegura umukino wo kwishyura uzabahuza na Guinea-Conakry

Yanditswe na Habarurema Djamali


Tanga igitecyerezo

Amazina
Ubutumwa

6 Comments

rukara rugombamihigo - 1 month ago

Ntamukinyi wihamagara mumavubi. Niba abato bashoboye ko badatoranywa?

rukara rugombamihigo - 1 month ago

Ntamukinyi wihamagara mumavubi. Niba abato bashoboye ko badatoranywa?

UKWISHATSE Ferdinand - 1 month ago

Arko mujye mureka kwibasira abantu kuki mutavuga KAGERE Meddy we si uwa mbere ya ba Haruna ahubwo impamvu nuko mubabona kenshi mukirirwa munasangira!

kayiranga - 1 month ago

Hhhhhh!!! ariko se ko bashaje baretse abana bato bakaba aribo bawutera.Uwo Haruna avuga atyo abeshya ko yavutse 1990 kdi yarashaje. kdi abo bagabo yavuzemo Bose bahwanyije ubusaza yewe ninabo badutsindishije
ikindi umutoza yabashyizemo agendeye kumarangamutima ananirwa gushyiramo ba Kevin,yanick na rutanga bituma dutsindwa.

Sinamenye - 1 month ago

Numuhango bekumutesha umutwe siwe mutoza wapane nabi ikime

- 1 month ago

SINAMENYE JEAN BAPTISTE

Izindi nkuru