Yashyizweho kuri16 October, 2016 | 06:53

Aka Guardiola na City karashobotse kuko na Messi yabijemo

Luis Enrique yaryohewe no kubona Lionel Messi agarukana igitego ubwo batsindaga Deportivo la Coruna 4-0, uyu ni umwiteguro mwiza ku mukino karundura bafitanye n’uwahoze ari umutoza wabo mukuru Pep Guardiola na Manchester City ye muri UEFA Champions league kuwa gatatu.

Messi yatsinze igitego cya kane ku mupira wa gatatu gusa yari akozeho nyuma yo kuva mu bihe by’imvune yari amazemo hafi ukwezi.

Umutoza we Luis Enrique yavuze ko ari insinzi y’ingenzi mu gihe bitegura City, ngo ni na byiza kubona insinzi nk’iyi nyamara abakinnyi bavuye mu biguhu byabo.

Ku ruhande rwa City izaza Camp Nou, yo imaze gutakaza imikino itatu yose iheruka, ni nyuma yaho no kuri uyu wa gatandatu bananiwe gutsinda Everton maze bakanganya 1-1.

Mu mikino ine iheruka guhuza aya makipe, Barca yarayitsinze yose ubwo hari muri 2013-14 na 2014-15. Gusa ntibibuza Enrique kuvuga ko City ari ikipe izigaragaza ku ruhando mpuzamahanga.

Yanditswe na Lucky van Rukundo/Muhabura.rw


Tanga igitecyerezo

Amazina
Ubutumwa

Izindi nkuru

Inkuru zikunzwe