Yashyizweho kuri17 November, 2019 | 18:48

Umunyarwanda Munyaneza Didier yegukanye Tour du Sénégal 2019

Umunyarwanda Munyaneza Didier ukinira ikipe ya Benediction Excel Energy yo mu Rwanda yegukanye irushanwa ry’amagare mu gihugu cya Senegal ryitwa Tour du Senegal.

Muri iri rushanwa abandi banyarwanda baje hafi ni Manizabayo Eric wabaye uwa 7,Byukusenge Patrick yabaye uwa kenda (9) na Nzafashwanayo Jean Claude wabaye uwa cumi ((10) bose bakinira ikipe ya Benediction Excel Energy.

Ni nyuma y’aho mu gace ka kabiri uyu musore w’imyaka 21 y’amavuko yari yambaye umwenda w’umuhondo wambarwa n’umukinnyi uyoboye isiganwa, kuva kuri ako gace kugeza ku gace ka karindwi kakiniwe mu murwa mukuru Dakar uyu munsi.

Ku gace ka nyuma k’iri siganwa, ikipe ya Benediction yari yaje gushyigikirwa n’abanyarwanda benshi batuye muri Senegal bari barangajwe imbere na Ambasaderi w’u Rwanda muri kiriya gihugu Harebamungu Mathias.

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


Izindi nkuru

Inkuru zikunzwe