Yashyizweho kuri22 February, 2018 | 18:18

Rwanda : HCR yasabye impunzi z’Abanye-congo kubaha amategeko y’igihugu cyazakiriye

Ishami ry’Umuryango w’Abibumbye ryita ku Mpunzi (HCR), ryasabye umutuzo impunzi z’Abanye-Congo zo mu nkambi ya Kiziba zigaragambije zisaba kongererwa inkunga, inazerurira ko ifite ikibazo gikomeye cy’ibura ry’ibikenewe mu gutunga izicumbikiwe mu Rwanda zose.

Imyigaragambyo yatangiye ku wa 20 Gashyantare 2018, ubwo ikivunge cy’impunzi cyasohotse mu nkambi ya Kiziba kikagana ku biro bya HCR i Karongi, zisaba ko zakongererwa inkunga zihabwa cyangwa zikarekurwa zigataha iwabo muri Repubulika Iharanira Demokarasi ya Congo.

Mu itangazo HCR yasohoye ku wa 22 Gashyantare, yibukije ko kubera imfashanyo z’abaterankunga zagabanutse, byatumye mu Ugushyingo 2017 Ishami ry’Umuryango w’Abibumbye ryita ku Biribwa (WFP) rigabanya iyo ryageneraga impunzi ho 10%, muri Mutarama 2018 iryo gabanuka rigera kuri 25%.

HCR yasabye impunzi kubaha amategeko y’igihugu cyazakiriye, ibibazo zifite bigakemurirwa mu biganiro.

Yanazibukije ko izagaragaje ubushake bwo gusubira iwabo ari uburenganzira bwazo ariko zitagomba kugendera ku bihuha.

Uhagarariye HCR mu Rwanda, Ahmed Baba Fall, yagize ati “Impunzi zifite uburenganzira bwo gutaha mu gihugu cyazo igihe cyose zabishakira. Ariko turazisaba gufata icyemezo gikwiye zidashingiye ku bihuha.”

PNG - 787.8 kb
Uhagarariye HCR mu Rwanda, Ahmed Baba Fall

HCR yongeye kugaragaza ko yatabarije impunzi ziri mu Rwanda kugira ngo haboneke miliyoni 98.8 z’amadolari ya Amerika ariko kugeza ubu habonetse 2% gusa by’ayo ikeneye.

Muhabura.rw


Tanga igitecyerezo

Amazina
Ubutumwa

3 Comments

Maria Lorena - 27 February

viva hair composicao hair é um complemento vitamínico
que consegue estimular esse crescimento, então em pouco tempo é
verosímil ter um cabelo da Rapunzel.

Sadie - 23 February

Hi there, i read your blog occasionally and i own a similar one and i was just
wondering if you get a lot of spam feedback?
If so how do you protect against it, any plugin or anything you
can advise? I get so much lately it’s driving me insane so any help
is very much appreciated.

My weblog ... palety ażurowe

Izindi nkuru