Yashyizweho kuri27 February, 2018 | 01:55

Rwamagana:Babiri batawe muri yombi nyuma yo gufatanwa amafaranga y’amiganano

Polisi y’u Rwanda ikorera mu karere ka Rwamagana Kuwa 25 Gashyantare 2018 yataye muri yombi abantu babiri aribo Ugirashebuja Anastase w’imyaka 38 na Hakorimana Jean Pierre w’imyaka 19 nyuma yo kubasangana ibihumbi 45 by’amafaranga y’amiganano.Ibi kandi police yabifashijwemo n’abaturage batanze amakuru.

Aba bombi bafatiwe mu murenge wa Kigabiro, akagari ka Nyagasenyi, mu mudugudu wa Ramba, mu mukwabu wakozwe na Polisi y’u Rwanda ifatanyije n’izindi nzego z’umutekano aho Ugirashebuja yafatanywe ibihumbi 20 by’amafaranga y’u Rwanda agizwe n’inoti enye z’ibihumbi bitanu naho Hakorimana afatanwa ibihumbi 25 bigizwe n’inoti eshanu z’ibihumbi bitanu.

Umuvugizi wa Polisi mu Ntara y’Uburasirazuba Chief Inspector of Police (CIP) Theobald Kanamugire, yavuze ko kugirango bafatwe byaturutse ku makuru bahawe n’abaturage.

CIP Kanamugire yagize ati ’’Twahawe amakuru n’abaturage y’uko aba bombi bashobora kuba bafite amafaranga y’amahimbano biturutse ku buryo bagaragaraga nk’abasigaye bafite amafaranga menshi nta buryo buzwi baba barayabonyemo. Ubwo twari mu gikorwa cyo gufata ibindi bintu bishobora guhungabanya umutekano nibwo twabasatse tubasangana ayo mafaranga y’amahimbano, ubu bakaba bafungiye kuri Sitasiyo ya Polisi ya Kigabiro mu gihe hagikorwa iperereza ngo hamenyekane imvano yayo.’’

Yakomeje aburira umuntu wese ufite umugambi wo gukora ibikorwa byo guhimba no gukwirakwiza amafaranga y’amahimbano ko yabireka, anakangurira abaturage kujya batanga amakuru.

Yagize ati ’’Ndaburira umuntu wese waba agifite umugambi wo gushaka gukira abinyujije mu gukoresha amafaranga y’amahimbano kubireka kuko bitesha agaciro ifaranga ry’u Rwanda bityo bigasubiza ubukungu bw’igihugu inyuma. Ndasaba kandi abantu kujya bagenzura amafaranga bakira bakareba niba atari amahimbano bahawe, babona batayizeye bakabimenyesha ubuyobozi. ”

Yasoje ashimira abaturage ku kuba batarahishiriye aba ngo bakomeze bakwirakwize amafaranga nk’ariya mu baturage, anabashishikariza gukomeza gukorana bya hafi n’inzego z’umutekano, batanga amakuru y’ibyahungabanya umutekano kugirango bikumirwe hakiri kare.

Nibahamwa n’icyaha bazahanishwa ingingo ya 601 y’igitabo cy’amategeko ahana y’u Rwanda ivuga ko, umuntu wese uhimba, ukoresha cyangwa ukwirakwiza mu buryo ubwo ari bwo bwose ibintu byose byakwitiranywa n’amafaranga cyangwa izindi mpapuro zivunjwamo amafaranga, ahanishwa igifungo kuva ku myaka ibiri (2) kugeza ku myaka itanu (5) n’ihazabu y’amafaranga y’u Rwanda yikubye inshuro kuva kuri ebyiri (2) kugeza ku icumi (10) z’agaciro k’amafaranga y’amahimbano.

Yanditswe na Habarurema Djamali


Tanga igitecyerezo

Amazina
Ubutumwa

2 Comments

golden world - 3 months ago

An attention-grabbing dialogue is value comment. I believe that you must write extra on this topic, it may not be a taboo topic but generally people are not enough to talk on such topics. To the next. Cheers

Vickey - 3 months ago

Or possibly he ⅼikeѕ bowling.? Lee continued. ?I heard ѕomebody say that once yoou hear thunder, that signifies that God iѕ bowling
іn heaven. I wager he is actually goood at it.

Here is my pɑge: http://www.linux.net

Izindi nkuru