Yashyizweho kuri21 January, 2017 | 09:47

Polisi y’u Rwanda yasubije ibikoresho byari byaribwe ba nyirabyo- "Reba Amafoto"

Nyuma y’igihe gito Polisi y’u Rwanda isabye abaturage baba baribwe ibikoresho bitandukanye kujya kuri Sitasiyo ya Polisi ya Kimironko kureba ko ibyabo byaba biri mu byo Polisi yari imaze iminsi ifashe, bamwe bagiyeyo barabihasanga.

Ibi bikoresho bikaba byaribwe mu bihe bitandukanye hirya no hino mu gihugu mu mwaka ushize no mu ntangiriro z’uyu.

Ni muri urwo rwego kuri uyu wa gatanu tariki ya 20 Mutarama Polisi y’u Rwanda, ku cyicaro cya Polisi y’U Rwanda ikorera mu mujyi wa Kigali i Remera mu karere ka Gasabo, habereye umuhango wo gusubiza bimwe mu bikoresho byiganjemo iby’ikoranabuhanga byari byaribwe ba nyirabyo.

Mu bikoresho byabonye ba nyirabyo harimo inyakiramashusho 18 zigezweho zizwi nka Flat Screens, izisanzwe 6, Mudasobwa 12 zigendanwa (Lap Tops), I Phones 2, Telefone zigezweho zirenga 10 (Smart Phones), Ibyuma by’umuziki n’ibindi.

Nyuma yo gusubizwa ibikoresho byabo, bamwe mu baturage bishimiye imikorere n’ubunyamwuga bwa Polisi y’u Rwanda.

Uwitwa Mukeshimana Jephtée wasubijwe flat screen ye yo mu bwoko bwa Samsung yavuze ati:”Mu kwezi kwa 5 umwaka ushize nibwo nibwe televiziyo yanjye, mbimenyesha Polisi ndatuza, ariko nari nzi ko byarangiye ntakiyibonye.Mu cyumweru gishize nibwo numvise itangazo rya Polisi mu mujyi wa Kigali ko hari ibyuma byafashwe, ba nyirabyo bakaba barasabwaga kuza kureba bitwaje ibyerekana ko ari ibyabo, nibwo naje nyisangamo.

Yakomeje avuga ati:”Ndishimye cyane sinabona icyo navuga nshimira Polisi yacu, biragaragara ko ikora neza cyane kandi ndayishimira ubwitange ikoresha mu gushakisha imitungo y’abaturage iba byibwe yafatwa bakayisubizwa no guha umutekano abanyarwanda.”

Undi witwa Kayirangirwa Annualla wasubijwe mudasobwa ye nawe yashimye Polisi, anasaba abishora mu bikorwa by’ubujura kubireka kuko Polisi y’u Rwanda iri maso.

Yavuze ati:”Abajura bararye bari menge kuko Polisi yacu irakora cyane ntibazatinda gufatwa.”

Umuvugizi wa Polisi mu mujyi wa Kigali Superintendent of Police (Supt.) Emmanuel Hitayezu, yavuze ko bimwe muri ibi bikoresho byafatanywe abajura babyibye ibindi bifatanwa ababiguze.

Yavuze ati:” Bimwe twabifatanye abajura ibindi tubifatira mu ngo z’abaga barabiguze ntibashobore kugaragaza inyemezabwishyu babiguriyeho, hari n’ibyo twafataga biturutse ku makuru twahawe n’abafatanyabikorwa bacu mu gihe kitarenze umwaka.”

Yanavuze ko ibyasubijwe ari ibyabashije kubona ba nyirabyo hahakaba hari n’ibindi bikiri mu bubiko bwa sitasiyo za Polisi na byo bitegereje ko bene byo baza kubitwara bitwaje ibyangombwa byerekana ko ari ibyabo.

Yagiriye inama abatrage avuga ati:”Turasaba abaturage kugura ibikoresho byuzuje ubuziranenge kandi bakabigurira mu maduka yemewe aho batanga inyemezabuguzi, bakazibika neza kandi bagashyira ibimenyetso ku bikoresho byabo kugirango mu gihe byibwe babashe kubisubizwa.”

Yakomeje asaba abakora ubu bujura kubucikaho aho yavuze ati:”Abishora muri ibi bikorwa basubize amerwe mu isaho kuko Polisi y’u Rwanda yarabahagurukiye, ntibazatinda gufatwa.”

Supt. Hitayezu yavuze ko abakekwaho ubu bujura 26 bamaze gushyikirizwa ubutabera, abandi bakaba bagifunzwwe na Polisi mu gihe igikusanya ibimenyetso bakazashyikirizwa inkiko mu gihe cya vuba.

Yanditswe na Chief Editor/MUHABURA.rw


Tanga igitecyerezo

Amazina
Ubutumwa

2 Comments

Tiffany - 21 January

Utilising the haack software, you can get infinite varietyy of
superstars and coins without spending your real cash.

Feel frree to surf to my web-site :: cc.mamacn.com

Violette - 21 January

Hey there! This is my first visit to your blog!
We are a collection of volunteers and starting a new initiative
in a community in the same niche. Your blog provided us valuable information to work on. You have done a wonderful job!

Feel free to visit my blog post; http://203.135.197.33/

Izindi nkuru