Yashyizweho kuri2 January, 2017 | 18:25

Polisi ivuga ko kurasa ari bwo buryo bwa nyuma umupolisi yari asigaranye- CP George Rumanzi

Polisi y’u Rwanda yongeye kwibutsa abatwara ibinyabiziga bose ko bakwiye kujya bubahiriza ibyapa bishyirwa mu muhanda n’inzego z’umutekano, mu kiganiro yagiranye n’itangazamakuru, kuri uyu wa 2 Mutarama 2017.

Muri iki kiganiro, Polisi yavuze ku buryo burambuye ku rupfu rwa Nzamwita Ntabwoba Toy uheruka kurasirwa mu marembo makuru y’inyubako ya Kigali Convention Centre, kuwa Gatanu tariki 30 Ukuboza 2016.

Aha Polisi yasobanuye ko kuraswa kwe bitari icyemezo cyafashwe gihubukiwe, nk’uko bamwe bagiye babigaragaza, ahubwo ko bwari uburyo bwo gukumira no guhashya ibyaha byose Polisi yakekaga ko byashoboraga gutezwa n’imodoka yari itwawe na Nzamwita Ntabwoba Toy; by’umwihariko icy’iterabwoba.

Polisi ivuga ko kurasa ari bwo buryo bwa nyuma umupolisi yari asigaranye.

Komiseri wa Polisi uyobora ishami rishinzwe umutekano mu mihanda, CP George Rumanzi yagize ati “Icyabaye ntabwo ari ugukoresha intwaro nko guhubuka, niba ari ko nagerageza kubivuga, ahubwo byakoreshejwe nk’aho ari bwo buryo bwa nyuma umupolisi yari afite busigaye kuko uyu muntu wari utwaye; icya mbere turebye amasaha hari nijoro, icyapa kimwereka inzira yagombaga kunyuramo ntiyacyitayeho, ibihagarika yarabigonze, umupolisi yahunze ahagararamo kugira ngo amwereke nawe yari amugonze.”

Yunzemo ati “Muri iki gihe umupolisi yari asigaje ikintu kimwe cyo kubuza iyi modoka itazwi icyo yikoreye tutazi uyirimo n’icyo agamije itubahirije ibyo byose twavuze kandi igamije kujya ahantu ho twahaye umutekano w’umwihariko icyari gisigaye rero ni ugukoresha intwaro nk’uko byemewe n’amategeko y’uko mu gihe cyose ibindi byose byakoreshejwe ari byo biriya twavugaga kumuhagarika ukabyerekana, biriya byapa, kubigonga umupolisi yagombaga kureba icyakorwa kindi.”

CP Rumanzi avuga ko hifashishijwe intwaro kandi kugira ngo hanakumirwe ibyaha by’iterabwoba hagendewe ku ngero z’ibiheruka kuba mu Bufaransa, mu Bubiligi n’ahandi hanyuranye ku Isi.

Ati “Kwari ugukoresha ingufu kugira ngo uwo muntu utazwi kugeza icyo gihe yari atazwi, nta wari uzi icyo agamije, nta n’uwari uzi icyo atwaye kwari ugukoresha intwaro kugira ngo abuze, akumire ubugizi bwa nabi bushobora kuba cyane cyane ko mubizi ko haba mu karere turimo cyangwa ibiri ku Isi murabibona, imodoka zagiye zikoreshwa guca mu ‘bikwazo’ zikagenda zigakandagira abantu zikoreshejwe nk’intwaro ubwazo cyangwa zikaba zirimo ibikoresho ‘byangiza’.”

Ati “Ntabwo rero ziriya ngufu zakoreshejwe ari uguhubuka, ahubwo ni uko umwanya muto wari uhari n’umuntu utazi icyo agamije, tutazi n’uwo ari we, tutazi n’icyo atwaye kandi turinda hagaragara n’ibibera hirya no hino; umupolisi yari afite umwanya muto wo gukoresha ingufu cyangwa se iyo atazikoresha iyo modoka ikagenda igakandagira abantu cyangwa igaturikira mu bantu kuko nta wari ubizi ubwo nabyo sinzi ko ari wo mwanzuro wari gushimwa. Ni ko bimeze, ntabwo byihutiwe, ni uko byakoreshejwe ari bwo buryo bwanyuma busigaye.”

Muri iki kiganiro hasobanuwe ku mutekano mu gihugu mu gihe cy’iminsi mikuru Abanyarwanda bavuyemo ya Noheri n’Ubunani, aho Polisi yavuze ko muri iyi minsi mikuru hapfuye abantu 8; hakomereka bikomeye abantu bagera kuri 6.
Uretse aba hiyongeraho undi umwe, witwa Nzamwita Ntabwoba Toy wapfuye arashwe.

Polisi y’u Rwanda iratangaza ko mu minsi 10 ishize y’iminsi mikuru i Kigali hafashwe imodoka 11 zari zirimo abantu banyoye basinze, zirafungwa ariko nyuma zigenda zirekura

Hashingiwe kuri ibi, Polisi ivuga ko hose mu gihugu umutekano wari umeze neza, kuko abantu bidagaduye nta nkomyi, abandi bagakora ingendo mu ntara nta mpanuka nyinshi zibaye.

Polisi ivuga ko usanga nta byaha byinshi byakozwe muri iyi minsi mikuru, ko usanga ahenshi ari abasore bafashwe bakoresha ibiyobyabwenge, kandi ko na byo bishobora kuba byaraturutse ku mbaraga zashowemo zo kubafata. Polisi yafatanye ibiyobyabwenge abantu 22 b’urubyiruko.

Mu bindi byaha byakozwe harimo ubujura bworoheje aho bamwe bafashwe bibye ihene, abandi bafatirwa mu bujura bugamije gushakisha ibiryo n’imibereho.

Ikindi cyagaragaye ni amafaranga mahimbano, aho Polisi yafashe ibihumbi mirongo itandatu na bine (64,000Rwf). Aba bose bafashwe amadosiye ari gukorwa kugira ngo bashyikirizwe ubutabera.

Nta bwicanyi bwabaye cyane, uretse ahantu hamwe Ntara y’i Burasirazuba aho umuntu yishe umwana w’umukobwa.

Polisi y’u Rwanda ivuga ko ibyaha byakozwe mu 2016 byagabanutseho 12% ugereranyije n’ibyabaye umwaka wabanje wa 2015.

Polisi ivuga ko kurasa ari bwo buryo bwa nyuma umupolisi yari asigaranye

Yanditswe na Ubwanditsi/Muhabura.rw


Tanga igitecyerezo

Amazina
Ubutumwa

2 Comments

bn - 2 weeks ago

Police yumwuga suko yovuga ubuse wansobanurira ute murasiye umuntu nkamubwora ngo nibwo buryo bwanyuma

Ernestine Spriggs - 2 weeks ago

Move of Powers hack can bbe a downloadable platinum, points, diamonds and materials turbine that can be employed as much as had a
need to incclude methods to mobile game bill. It iis a rapid and easy way of resources that
are endless. The device is simple to make use of using setup msthod
that is effortless and an userffriendly interface. It
fnctions quickly and it’s unknown, examined aand 100% dealing
with it truly is auto-updates.

Here is my page :: Forge Of Empires hack

Izindi nkuru