Yashyizweho kuri8 March, 2019 | 19:21

Perezida Kagame yifurije Abagore umunsi mukuru mwiza

Kuri uyu munsi mukuru mpuzamahanga w’abagore ,Perezida Kagame yifurije abagore umunsi mwiza agaragaza ko bakwiye guhabwa agaciro bakwiye kuko bagize kimwe cya kabiri cy’abatuye isi.

Kuri uyu wa Gatanu tariki 8 Werurwe ni umunsi ngaruka mwaka w’umugore ku isi yose aho mu bihugu bitandukanye bawizihije bazirikana akamaro k’umugore.Perezida wa repubulika Paul Kagame nawe abinyujije kuri twitter yabifurije umunsi mukuru mwiza.

Yagize ati"Abagore bagize kimwe cya kabiri kirenga ku isi,bityo nimureke dukomeze dukore uko bishoboka kugira ngo bahabwe agaciro bakwiye.Mugire umunsi mukuru mwiza w’abagore."

Uyu munsi ku rwego rw’igihugu wizijirijwe mu karere ka Nyamasheke mu murenge wa Kagano aho umushyitsi mukuru yari Madamu Jeannette Kagame, aho yagaragaje ko umuryango utekanye ari ubanye neza kandi uha agaciro ibiganiro mu nzego zose z’ubuzima bw’urugo.

Jeannette Kagame yasabye abitabiriye uyu munsi kwirinda amakimbirane, babifashijwemo n’ubuyobozi bw’inzego z’ibanze.

Yagize ati ”Ntidukwiye kumva ko umuryango utuye ahatari intambara ariwo muryango utekannye gusa. Umuryango utekannye ni uba ufite imibereho myiza muri rusange. Ni umuryango wateguwe kandi witeguye kubana neza, usobanukiwe ko umwana ari ishema ry’umuryango. Ni umuryango kandi uha agaciro ibiganiro hagati y’abawugize haba mu bijyanye n’ubukungu, imibereho myiza ndetse n’ibindi byemezo. ndizera ko ntanumwe utakwifuza kugira umuryango nk’uwo.”

Mu birori byo kwizihiza Umunsi Mpuzamahanga w’Abagore, Jeannette Kagame yahembye ’Inkubito z’Icyeza’ aribo bakobwa batsinze neza mu bizamini bya Leta bisoza amashuri abanza, icyiciro rusange n’ibisoza amashuri yisumbuye mu mwaka w’2018.

Yanditswe na Habarurema Djamali


Tanga igitecyerezo

Amazina
Ubutumwa

Izindi nkuru